Ad’u Tinda 17:13 - Bible azumeina

¹³ Magom ma a mba vud’um avo hatagina d’oze ma agi mba guzum ki bege magid’ina, mbeî agi ngad’am bayâd’a. Hina mba d’i arî vama simata atagi yam vun man ma djin ma didina.

Ad’u Tinda 17:13 Referans Kwoze

Buzuk ka Abud’a 12:44

Magom ma agi guzum ki beged’ina, agi ngad’amî bayâd’a tua ba, mi tum ki sed’egiya.

Nehemi 5:8

An dazi kua ala: Ami mbud’umi yam b’oziyoi Juif suma a guzuzi woi kur magomba abo andjaf suma dingîna ndak yam ad’eng mamid’a. Wani agi tagid’a nga guzugi b’oziyogina woi abo sum meina wa d’ei zu? Ata yi máma a seng silil, a fe nga zla d’a a hulongôndji ded’id’a d’i.

Ad’u Tinda 37:36

Wani suma Madiyan-na a gus Josef fei Ezipte abo Potifar azong ma ngolâ hi Faron-na, ni ma ngolâ hi azigar suma a nga ngom amulîna mi.

Matiye 18:25

Wani mi nga ki vama wurak ki. Salama mi he vuna ala a guzum mbei kamamba ki groma kahligiyem pet á wurak ki bal mama.

Nehemi 5:5

Ami ni hliu ma tuna d’igi azi na, gromi suma andjofâ ni d’igi grozina na mi. Gola! Ami mbud’umi wa magumeina ki gromi suma andjofâ ki suma aropma, gromi suma aropma ablaud’a a seî wa abo sunda, ami nga ki va d’uo d’a, asine mamina ki guguzlu mamid’a a arî hi suma dingîna.

Buzuk ka Abud’a 21:16

Le sana mi kul sana mi guzum mbei d’oze a vum ki sed’em abomu ni, mbeî agi tchum mbeyo.

Buzuk ka Abud’a 21:4

Le salama mi vum atchad’a ni mamu, ti vud’um gro andjof foze gro aropma ni, amamba ki grotna a mba arî hi salamina; mam tamba mba mi nde woi ni vam tu.

Buzuk ka Abud’a 21:2

Le ang gus magom ma Hebre-na ni, mba mi le sunda bizad’a karagaya, wani kur biza d’a kid’iziyad’a mba mi nde woi hawa bei wuraka.

Ad’u Tinda 39:1

Suma Ismael-lâ a i ki Josef Ezipte. Potifar azong ma ngolâ hi Faron-na ni ma ngolâ hi azigar suma a nga ngom amulîna, mi guzum abo suma Ismael suma a mba ki sed’ema.

Ad’u Tinda 37:27

Ei i guzuzi woi abo suma Ismael-lâ, ei tini aboi atam mbi, kayam mam mi wiyeina; ni hliwi mi. B’oziyoma a humumu.

Ad’u Tinda 15:3

Gola! Ang han nga gor ri, ni ma vut avo hatana ba, mba mi tan djonu.

Ad’u Tinda 14:14

Ata yima Abram mi hum ala a ve wa wiyema goroma, a hurumum wa mi na, mi b’rau ahle suma dur ayîna mi suma a vut avo hatama, azi pet ni kikis hindi yam dogo yam klavandi; azi halazi ad’uzi gak a fazi sä avo Dan.

Ad’u Tinda 9:16

Ata yima vir ma b’al alona mba mi nde woi aduk d’ugulina, an mba ni golomu, an mba ni djib’er yam vun man ma djin ma didin ma an Alona ni djinim kahle suma ari suma yam andagad’a petna.

Ad’u Tinda 17:7

An mba ni djin vunan ki sed’eng kandjavangû, kandjavang ma mba mi mba bugol kur atchogoi d’a lara ge petna mi; ni vun man ma djin ma didina. An mba ni arî Alo mangâ, Alona handjavang ma blogongîna mi.

Sunda hi suma hi Levi-nid’a 22:11

Wani le ni magom ma ma ngat buzuna mi guzum ki bege mambina, d’oze ma a vud’um avo hatama ni, a te te máma.