Ad’u Tinda 17:12 - Bible azumeina

¹² Gro andjuvei suma agi mba vud’uzina pet, magumei suma a mba vut avo hatagina d’oze suma agi mba guzuzi ki beged’a abo suma dingîna, ma lara ma nandjavagi d’uo na, agi ngad’azi bayâd’a kur bur ma klavandina kur atchogoi d’a lara ge pet.

Ad’u Tinda 17:12 Referans Kwoze

Sunda hi suma hi Levi-nid’a 12:3

Kur bur ma klavandina, agi ngad’agi gorâ bayâd’a.

Wana ni Zla d’a Djivi d’a Luc mi b’irita 2:21

Kid’a bur ma klavandina ndaka, a ngat gor máma bayâd’a, a tinim simiyêm ala Jesus, ni simi ma malaikana mi tinimzi avok bei asum vum wirîma.

Filip-ma 3:5

A vud’un an le burâ klavandi a ngad’an bayâd’a, an ni gor vuta hi Israel-lîd’a, an nandjafâ hi Benjamin-na, an ni gor vuta hi Hebre-nid’a. Yam zla d’a ngom gata hi Juif-fîd’a, an ni ma Fariziyêna.

Wana ni Zla d’a Djivi d’a Luc mi b’irita 1:59

Kur bur ma klavandina, a mba á ngat gorâ bayâd’a, a min á tinim simiyêm kabum ala Zakari.

Romê-na 2:28

Kayam Juif ma gagazina mi nga ni abu pid’ak hol li, bayâ mam mba ngata nga ni abu ata hliuna á wed’a ki ira go d’uo mi.

Sunda hi suma a sunuzinid’a 7:8

Alona mi djin vunam ki sed’em á ngat bayâd’a. Kid’a Abraham mi vut Isak-ka, mi ngad’am bayâd’a kur bur ma klavandina. Isak mi vut Jakob, mi ngad’am bayâd’a, Jakob mi vut abuyoi ngolo suma dogo yam mbàna, mi ngad’azi bayâd’a mi.

Ad’u Tinda 21:4

Abraham mi ngat goroma Isak bayâd’a kur bur ma klavandina d’igi Alona mi dum na.

Ad’u Tinda 17:23

Abraham mi ve goroma Ismael, mi yo magumeina pet suma a vut avo hatama ki suma mi guzuzi ki beged’ina, nala, gro andjofâ pet suma avo hatama, mi ngad’azi bayâd’a kur bur máma d’igi Alona mi dum na.

Buzuk ka Abud’a 12:44

Magom ma agi guzum ki beged’ina, agi ngad’amî bayâd’a tua ba, mi tum ki sed’egiya.

Buzuk ka Abud’a 22:30

Agi lagi hina ki d’uwar magi ma nglona ki ma gurei ma mi vut avo’â. Agi aram mi le burâ kid’iziya kasumu; bur ma klavandina agi ngad’andji buzuna.