Ad’u Tinda 16:3 - Bible azumeina

³ Ata yi máma Sarai ti ve magom mata Agar, ti hat mi ndjuvut Abram atchad’a. Ni d’igi Abram mi le wa bizad’a dogo yam ambas sa Kanan-nda da’.

Ad’u Tinda 16:3 Referans Kwoze

Ad’u Tinda 16:5

Sarai ti de mi Abram ala: Ang ngulun ihî ni angû; ni an ba ni hang magom manda ini ni anu. Kid’a ndat ti wala ndat ti ve we wirâ dad’a, ti nde golon is. Ar Ma didina mi kei sariya meid’a ni mamu.

Galat-na 4:25

Agar ndata nahina d’a Sinai d’a yam andaga d’a Arabi-d’a. Hle tat ni d’igi azì ma ngol ma Jerusalem ma tchetchem wana na, kayam ndat nga d’i le magomba ki grotna.

1 Amuleina 11:3

Mi vik amuleina grozina kikis kid’iziya, mi vik arop suma gureina kikis hindi mi; narop sum ndazina ba, a b’lagam djib’er mamba.

2 Samuel 5:13

Kid’a David mi arza Hebron ndei mi mba Jerusalem-mba, mi vik arop suma gureina karop suma dingâ kua, mi vut gro andjofâ ki gro aropma.

Ad’u Tinda 35:22

Wani ata yima Israel mi nga kaka kur ambas ndata tua na, Ruben mi i mi bur ki Bilha amam mba gora; Israel mi hum mi. Jakob groma ni dogo yam mbà.

Ad’u Tinda 32:22

Kur andjege ndata Jakob mi tchol mi yo arubuyom suma mbàna ki yugunei mazi suma mbàna ki grom suma dogo yam tuna, mi djak alum ma Jabo’â kasemu.

Ad’u Tinda 30:9

Ata yima Lea ti wala ndat ti ka bei vuta na, ti ve wei mata Zilpa, ti hat mi ndjuvut Jakob atchad’a.

Ad’u Tinda 30:4

Ti hum wei mata Bilha atchad’a; Jakob mi bur ki sed’ed’u.

Ad’u Tinda 28:9

mi i mi ve Ismael Abraham goroma goromba Mahalat Nebayot wiyemba atchad’a, mi gat aduk amiyôma.

Ad’u Tinda 25:6

wani kid’a mam nga ki iram tua d’a, mi hahlena mamiyôm suma gureina grozina, mi walazi woi ki goroma Isak, mi dazi ala a i yam andagad’a abo ma yorogonid’a.

Ad’u Tinda 16:4

Abram mi zlap ki Agar, ndat ti ve wirâ. Kid’a ndat ti wala ti ve wa wirâ dad’a, ti gol salata is.

Ad’u Tinda 16:16

Abram bizamî dok klavandi yam karagaya tua ba, Agar ti vud’um Ismael.

Ad’u Tinda 21:21

mi ka’î kur ful ma Paran-na; asum mbi vum gor ra Ezipte-d’a.