Ad’u Tinda 15:15 - Bible azumeina

¹⁵ Wani ang mba mit ki halasa, ang mba le furîd’a ki mamarang gak a tozong kiya.

Ad’u Tinda 15:15 Referans Kwoze

Wana ni mbaktumba hi Job-pa 5:26

Ang mba i azulei kä ni ki mamara kikra d’igi a yo mbugulu d’a nga molid’a ata yat ma ndak á yod’a woina na.

2 Sunda Hamuleinid’a 34:28

An mba ni arang ang mba mit ki halasa, a mba tozong kur zul manga bei ang we ndak ka an nga ni mbat yam azì ma Jerusalem-ma ki suma a nga kaka kurumid’a ba. Ma ngol ma ngat buzuna Hilkiya ki ndrom suma ki sed’ema a mba väd’u zla ndata mamulâ Josiyas.

Ndumba 27:13

Ang mba golod’u, wani ang mba mit i azulei kä gen simiyêng d’igi wiyengâ Aron mi mit mi i azulei kä gen simiyêm na mi,

Daniel 12:13

Wani ang Daniel, ang i d’o gak bur mang ma dabid’a. Ang mba mid’a, wani ang mba tchol akulo á ve wurak manga kur atchogoi d’a dabid’a.

Sunda hi suma a sunuzinid’a 13:36

Bugol la David mi le sunda kur atchogoi mamba kur minda hAlonid’a led’a, mi mid’a. A tozom gen abuyom ngolo, mi tchima.

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Wana ni mbaktumba hi Job-pa 42:17

Job mi mbut mamara kikra, mi mid’a.

1 Sunda Hamuleinid’a 29:28

David mi le bizad’a ablaud’a, mi djeng mamara kikra, mi mit ki furîd’a. Mi ni sama ndjondjoîna, ni sama suma a suburum heîna. Goroma Salomon mi vrak tamula blangâmu.

Suma ka sariyad’a 2:10

Suma kur atchogoi ndatina pet a bo, a i ad’u abuyozi ngolo suma a bona. Suma a vrak blogozi kur atchogoi d’a dingina, a we nga Ma didina d’oze sun nda mi ndagat vunat yam Israel-lîd’a d’uo mi.

Ad’u Tinda 49:29

Bugola, Israel mi hazi vuna, mi dazi ala: An nga ni mit ni mid’a; agi i tozon ni gen abuyon kur zul ahina d’a kur asinena hi Efron ma Het-nid’a,

Ndumba 20:24

Aron mba mi mid’a, kayam mam mba mi kal kur ambas sa an nga ni hat mi Israel-lîd’a d’i, kayam agi tchilagi yam vun man ma hed’a ata yima mbiyo ma Meriba-na.

Ad’u Tinda 35:29

Isak mi mbut mamara kikra, bizam kal ngola mi, mi mid’a; groma Esau azi ki Jakob a tozomu.

Matiye 22:32

An nAlona hi Abraham-ma, Alona hi Isa’â, Alona hi Jakob-ma mi d’a d’uo zu? Alona nAlona hi suma arinina, nga nAlona hi suma matnina d’i.

Ma tchi wala 6:3

Le sana mi vut grona kis, mi le bizad’a ngola yam andagad’a, le burumî ngola pî, le mi fe nga djivid’a yam andagad’a d’uo, asuwam nga d’uo mi ni, an nga ni dala hur ma nded’a mi kalamu.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

1 Sunda Hamuleinid’a 23:1

David mi mbut mamara kikra, mi tin goroma Salomon amula yam Israel-lâ.

Ad’u Tinda 50:13

Azi hlum a im yam ambas sa Kanan-nda, a tozom kur zul ahina d’a kur asine ma Makpela ma go ki Mamre-na. Nasine ma Abraham mi guzum adjeu abo Efron ma Het-nina, mi mbud’um yima tos mat mamina.

Ad’u Tinda 49:31

Nata yi máma ba, a tos Abraham azi kamamba Sara kua; ni kua ba, a tos Isak azi kamamba Rebeka mi; ni kua ba, an tos Lea mi.

Ad’u Tinda 23:19

Bugola, Abraham mi tos amamba Sara kur zul ahina d’a nga kur asine ma Makpela ma nga avok Mamre d’arâ, nala, Hebron yam andaga d’a Kanan-nda.

Ad’u Tinda 23:4

An nangeina adigagiya. Agi han yina adigagi ka hî á tos mad’amanda kua; mi arî mana ki iran fafat.

Ad’u Tinda 47:30

Fata an mita, ang hlan ka hî Ezipte, ang i tozon gen asud’a hi simiyênda. Josef mi hulong dum ala: An mba ni le d’igi ang dan na.

Gat ta a hat á mbàd’id’a 31:16

Ma didina mi de mi Moise ala: Gola! Ang nga mid’a. Sum ndazina a mba mbut tazi gaulangâ kalona handjaf suma ding suma kur ambas sa azi nga kal kurut wanda, a mba aran ndeyo, a mba but vun ma djin ma an djinim ki sed’ezina woi mi.

Sawal la giled’a 49:19

Kid’a mi nga ki iramba, nga mi subur tamu, ata yima mi nga kur haheî mambina, suma a suburum mi.