Ad’u Tinda 14:13 - Bible azumeina

¹³ Sama ringî avun ayînina, mi mba, mi de zla ndata mi Abram ma Hebre ma nga kaka ad’u agu ma nglona hi Mamre ma Amor-rîna. Mamre azi ki b’oziyoma Eskol ki Aner a ve banad’a ki Abram.

Ad’u Tinda 14:13 Referans Kwoze

Ad’u Tinda 13:18

Ata yi máma Abram mi hô zlub’u mamba, mba mi kak ad’u agu ma nglona hi Mamre ma nga Hebron-na, mi min yima ngal ahle suma ngat buzuna mi Ma didina kua.

Ad’u Tinda 14:24

An min ni hle va tu d’i; ni te ma azungeî mana a tuma hol, wani kayam b’raud’a hi suma a i ki sed’ena, Aner, Eskol ki Mamre, a yo ahle mazina yam taziya.

Ad’u Tinda 40:15

Azi vanï kur ambas sa Hebre-d’a ni kad’enga; ka hî pî, an le nga vama ndak á gan dangeinina d’i.

Filip-ma 2:5

Ar agi kagagi ki djib’era hi Jesus Christ-sa kurugiya:

2 Korente-na 11:22

Azi ni Hebre-na zu? An ni ma Hebre-na mi. Azi ni Israel-lâ zu? An ni ma Israel-lâ mi. Azi nandjafâ hi Abraham-ma zu? An nandjafâ hi Abraham-ma mi.

Jonas 1:9

Jonas mi hulong dazi ala: An ni ma Hebre-na, an kud’orî Ma didina Alo ma akulo ma mi le alum ma ngolâ kandagad’ina.

Wana ni mbaktumba hi Job-pa 1:15

Suma Sabe-na a mba nde kaziya, a yoziya, a tchi azungeîna woi ki mbigeu d’a fiyaka. Ni an tu ba, ni sud’a, ni mba á dang wana!

1 Samuel 4:12

Kur bur máma sama ad’u andjafâ hi Benjamin ma sud’î avun ayînina, mi ringî gak mi mba avo Silo ki barud’a haûd’a woi atamu, ki butna kam mi.

Ndumba 21:21

Israel-lâ a tchuk suma sunda ata Sihon amul ma Amor-râ, a dum ala:

Buzuk ka Abud’a 2:11

Kur atchogoi ndata, Moise mi djeng sana, mi i gen b’oziyoma á golozi kur sun mazi d’a ndaka. Mi we ma Ezipte-na nga mi to ma Hebre-na aduk b’oziyoma.

Buzuk ka Abud’a 2:6

Ti malam mbeyo, ti gol gor mandjufâ nga mi tchi kuru. Hohoud’a vat ad’umu, ti dala: Ni gor ma Hebre-na!

Ad’u Tinda 43:32

A he Josef tena woi vamu, a he b’oziyoma woi vazi mi; a he Ezipte suma mi yazï avo hatama woi vazi mi, kayam Ezipte-na a nga te ki suma Hebre-na tu d’i, kayam ni vama ndjendjed’a iraziya.

Ad’u Tinda 41:12

Wani gor azongâ tu mi nga ki sed’emiya, ni ma Hebre-na, ni magoma hi ma ngolâ hi azigar suma a nga ngomongâ. Ami dum ad’u adï mamid’a, mi ve nge nge pî ad’u adï mamba woyo.

Ad’u Tinda 10:16

Suma Jebus-sâ, suma Amor-râ, suma Girgas-sâ,

Ad’u Tinda 39:14

ti yï azungeî matna, ti dazi ala: Gola! Ma Hebre ma ndjuvun vumina nga mi lü ki sed’emiya, mi mba kä ala mam bur ki sed’enu, wani an tchi wulula akulo kamu.

Ad’u Tinda 18:1

Ma didina mi nde tam mbei ir Abraham go kagu ma nglona hi Mamre-na. Abraham mi nga kaka kä avun zlub’u mamba abo afata faleid’a.

Ad’u Tinda 21:27

Bugola, Abraham mi yo tumiyôna kamuzleina, mi hazi mi Abimelek; azi djak a djin vunaziya.

Ad’u Tinda 21:32

Abraham azi ki Abimelek a djin vunazi ni Berseba. Abimelek ki Pikol ma ngolâ hi azigar mamina a tchol a hulong yam andaga d’a Filistê-d’a.

Buzuk ka Abud’a 3:18

Azi mba humungû. Ang dazi kua ala: Mi dan kua ala: Ang ki nglo suma Israel-lâ, agi igi gen amul ma Ezipte-na, agi dum ala: Ma didina, Alona hi Hebre-na, mi nde tam mbei iramiya. Ki tchetchemba, ang arami lovota ami i tid’imi burâ hindi abagei hur fulâ á hahle suma ngat buzuna mi Ma didina Alo mamina.

Ndumba 13:23

Azi i gak a mbaza kur hor ra Eskol-la. Ata yi máma azi ka abo guguzlud’a kadezet ma vuta. Suma mbà a hlat kaguna, a yo vud’agu grenatna ki vud’a tuluma mi.

Jeremi 34:9

Ar nge nge pî mi ge magom mam ma Hebre-na d’oze magom mam mba Hebre-d’a akulo, ar sa mi d’el wiyem ma Juif-fâ kä kur magomba d’i.

Ad’u Tinda 21:24

Abraham mi dum ala: An nga ni gun tanu.

1 Samuel 29:3

Azigar suma nglo suma Filistê-na a djop ala: Hebre suma wana a mba ka hî ná le me ge? Akis mi hulong dazi ala: Ni David azongâ hi Saul amulâ hi Israel-lîna. Mi nga ki sed’en ni dedei burâ ablaud’a ki bizad’a mi. Dedei d’a mam mbad’a, an fe nga vama tcho atam mbi.