Ad’u Tinda 13:8 - Bible azumeina

⁸ Kayam ndata, Abram mi de mi Lot ala: Ar yalâ mi tchol adigei d’i, d’oze aduk man suma pola ki mang suma pola d’uo mi, kayam ei ni b’oziyo teya.

Ad’u Tinda 13:8 Referans Kwoze

Sunda hi suma a sunuzinid’a 7:26

Tcha ndjivinda mi i geveziya, mi fe Israel-lâ mbà a nga to taziya. Mi min á zlabazi adigaziya, mi gad’azi ala: Agi ni b’oziyo tagiya. Ni nana ba, agi lagi tagi sulu’â hina ge?

Sawal la giled’a 133:1

Ni sawala hi David ta suma a djak Jerusalem á lü vun tilîna a hlata. Wana ni vama djivi ma le suma tazi djivid’a heî na: Ar b’oziyod’a a kak zlapa tu.

2 Pierre 1:7

agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

1 Pierre 4:8

Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

Romê-na 12:10

Ar agi lagi yam tagi d’igi b’oziyo tagi na. Ar agi lagi ad’u tagi mi.

Zla d’a d’ogolâ 20:3

Sama mi wal tam mbei ki huneîd’ina, suma a mba hum ngola. Wani sama lili ma lara ge pî, mi tcholot nakulo.

Zla d’a d’ogolâ 15:1

Zla d’a a hulongôt ded’a ki del la djivid’id’a, ti ve vun ayîna kä, wani zla d’a de d’a tchod’a ti tcholî ayîna akulo.

Ad’u Tinda 45:24

Bugola, mi de mi b’oziyoma ala: Ar agi yalagi tagi glovot tuö wö, mi arazi a iya.

1 Jean 4:7

Buniyôn suma od’a, ar ei leigi yam teya, kayam od’a tcholï nata Alona. Sama lara pî ma nga mi le od’ina, Alona mi vud’um mi mamu, mi wAlona mi.

1 Pierre 2:17

Agi hugi suma pet, agi lagi yam b’oziyogi suma a he gagazid’ina, agi lagi mandar Alona, agi gagi yagi kä avok amul ma ngolâ mi.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

Hebre-na 13:1

Ar agi lagi yam tagi teteu d’igi b’oziyo tagi na.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

1 Tasaloni’â 4:9

Wani kayam zla d’a o d’a yam b’oziyoi suma he gagazid’ina, agi nga djup sa mi lagi mbaktum kat tuo d’a, kayam Alona mi had’agi á le yam tagi da’.

Filip-ma 2:14

Ar agi lagi ahlena pet bei gureîd’a, bei tuguyod’a mi,

Matiye 5:9

Suma a nga zlap suma darigïd’ina a le furîd’a, kayam Alona mba mi yazi ala Groma.

Zla d’a d’ogolâ 15:18

Sama ayîna heîna nga mi tchol ki huneîd’a, wani sama le lilinga nga mi ve vun huneîd’a kä.

Buzuk ka Abud’a 2:13

Tcha ndjivinda mi i gevezi kua, mi we Hebre-na mbà a nga to taziya, mi de mi ma nga mi le ndrama sulu’îna ala: Ni kayam me ba, ang to ndrangâ na ge?

Ad’u Tinda 13:9

Andagad’a ba sä avorong wan pet tuo zu? Ang wal adigang ngei ki anu; ang le i ni irang abo ma gulana ni, an i iran abo ma ndjufâ; le ang i ni irang abo ma ndjufâ ni, an i iran abo ma gulana mi.

Ad’u Tinda 46:34

agi dum ala: Ami azungeî mangâ ni suma ngom d’uwarâ ki gugurei tami dei gak ini d’igi abuyomi ngolo hina. Hina wani, mba mi hagi vuna á kagagi yam ambas sa Gosen-nda, kayam suma pol aho’â pet, Ezipte-na a golozi ni is.

Ad’u Tinda 14:14

Ata yima Abram mi hum ala a ve wa wiyema goroma, a hurumum wa mi na, mi b’rau ahle suma dur ayîna mi suma a vut avo hatama, azi pet ni kikis hindi yam dogo yam klavandi; azi halazi ad’uzi gak a fazi sä avo Dan.

Suma ka sariyad’a 9:26

Gal Ebet goroma mi mba ki b’oziyoma avo Sikem; suma Sikem-ma huruzi vumu.