Ad’u Tinda 13:11 - Bible azumeina

¹¹ Lot mi man andaga d’a Jurdê-d’a pet, mi mber mi i iram abo ma yorogona; ni hina ba, adigazi wala.

Ad’u Tinda 13:11 Referans Kwoze

Ad’u Tinda 13:9

Andagad’a ba sä avorong wan pet tuo zu? Ang wal adigang ngei ki anu; ang le i ni irang abo ma gulana ni, an i iran abo ma ndjufâ; le ang i ni irang abo ma ndjufâ ni, an i iran abo ma gulana mi.

1 Pierre 2:17

Agi hugi suma pet, agi lagi yam b’oziyogi suma a he gagazid’ina, agi lagi mandar Alona, agi gagi yagi kä avok amul ma ngolâ mi.

Hebre-na 10:25

Ei arei tok meid’a woi d’igi suma dingâ a nga le na d’i, wani ei zud’i tei akulokulo, kayam agi wagi burâ hi Salad’ina mi ar go.

Zla d’a d’ogolâ 27:10

Ang ar banangâ d’oze abung banama woi d’i. Ang i avo hi wiyengâ kur bur ma ang nga kur ndakina d’i, kayam ndrang mazina mi kal wiyeng ma sä woi deina.

Sawal la giled’a 119:63

An zlap tu ki suma a nga lang mandarang suma a nga ngom gat mangina.

Sawal la giled’a 16:3

Suma d’ingêr suma yam andagad’ina, ki suma d’engzeng suma kal teglesâ ni suma tan lan djivid’a heî kazina.

Ad’u Tinda 13:14

Kid’a Lot mi wal ki Abram wala, Ma didina mi de mi Abram ala: Ang hle irang akulo, ata yima ang nga kua wana, ang gol irang abo ma norâ, abo ma sutna, abo ma yorogona kabo ma fladegena mi.

Ad’u Tinda 19:17

Kid’a azi buzuk kei kela, malaikana tu mi de mi Lot ala: Ang ring sut tangû, ang gol irang blogong ngi, ang tchol aduk hur fula d’uo mi. Ang ring yam ahinad’a, kayam ang ba woi d’i.

Ad’u Tinda 13:10

Lot mi hle iram akulo, mi gol yam andaga d’a Jurdê-d’a gak Sowar, mi wat mbina nga kua ngola. Ti ni d’igi asinena hi Ma didinina na, ni d’igi andaga d’a Ezipte-d’a na, kayam Ma didina nga bei b’lak Sodom ki Gomor rei tua.

Ad’u Tinda 13:12

Abram mi ar kaka yam andaga d’a Kanan-nda. Lot mi kak kur azì ma abagei hur fulina, mi ve zlub’u mamba abo ma Sodom-ma.

Ezekiyel 47:18

Haga d’a abo ma yorogonid’a mba d’i tinï ad’ud’a ni aduk Damas ki Hauran, mba d’i hleï kur lovota halum ma Jurdê-nid’a aduk ambas sa Galät-ta kambas sa Israel-la, mba d’i i gak kur azì ma Tamar ma avun apo d’a Matnina. Wana ni haga d’a abo ma yorogonid’a.