1 Ma didina mi de mi Abram ala: Ang nde woi kur andaga manga, ang nde woi aduk simiyêngû, ang nde woi kur azina habungâ, ang i kur andaga d’a an mba ni tagangzid’a.
Ni yam he gagazid’a ba, Abraham, ata yima Alona mi yuma, mi ge yam kä, mi i yam andaga d’a Alona humzi djonid’a. Mi ar ambas mamba, mi we nga yima mi i kuana d’i.
Ang gor sana, gola! Suma a ar kaka kur andaga d’a Israel la b’lak keid’a a nga dala: Abraham ni vam tu. Mi hlambasa djona. Ei suma ablau suma wana d’o d’a, a mba hei ambasa djona d’uo zu?
Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.
An hum dela ti tcholï akulo ti dala: Agi sum mana, ar agi buzugugi woi kurud’u, kayam agi lagi darigïd’a ki sed’et kur tcho mata d’i, kayam tugud’ei d’a tcho d’a nga d’i tumuta ti dogi d’i.
Wani kid’a Alona mi walan ndei kazina habunid’a, an de mamanda Sara ala: Djivi d’a ndak mba lat ki sed’enda ba wana: Ata yima lara ma ei i kuana, ndak dala an ni wiye’â.
Ma didina Alo ma lakulod’a ma vanï woi kur azina habuna yam andaga d’a an vut kur ma mi dan ala: An gunung tanu, andaga d’a wanda, an mba ni hat mandjavangû na, mam mba mi sun malaika mama avorong sä hî; ang mba veï atchad’a mi gorona.