Ad’u Tinda 10:5 - Bible azumeina

⁵ Nata azi ba, andjafâ mi b’rau woi avun mbina teteng, nge nge pî kandaga mamba ki vun mama, ad’u andjavam kadezem mi.

Ad’u Tinda 10:5 Referans Kwoze

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Jeremi 2:10

Agi igi yam til la Kitim-mba, agi gologiya. Agi sunugi sä Kedar, agi halagi ad’ud’a, agi gologiya. Na ni vama hina mi le woi yam tu zu?

Jeremi 25:22

An hum mamulei suma Tir-râ pet, mamulei suma Sidon-na pet kamulei suma a nga kaka yam tila sä abo alum ma ngolâ abo hî na mi.

Isai 42:4

Mba mi mbut amangeîd’a d’i, tam mba d’i tchuk lus suo gak mba mi tin sariyad’a yam andagad’a. Suma a nga kaka yam tilina a mba humum gat mamba mi.

Ad’u Tinda 10:20

Wana ni Ham groma ad’u adezeziya, ki vun mazi ma ded’a, kandaga mazid’a, ad’u andjavazi mi.

Isai 60:9

Kayam suma a nga kaka yam tilina a tin huruzi ni kanu, batod’a hi suma Tarsis-sîd’a ti tchuk tat avok á yoï gro’â ata yima deina ki bege mazi d’a hapa ki lor mazid’a, yam simiyên an Ma didina Alo mak ma tin tan irat vat yam Israel-lâ ma ni hak ngolina.

Isai 59:18

Mba mi wurak nge nge pî ndak yam sun mamba, mba mi wurak mam suma huneîd’a kayî mama ndak yam sun mazid’a, mba mi wurak mam suma djangûna ndak yam sun mazid’a, mba mi wurak suma a nga kaka yam tilina ndak yam sun mazid’a mi.

Isai 51:5

D’ingêr manda ti mba go, sut manda nga d’i nde woyo. An mba ni ka sariyad’a kad’eng manda. Suma a nga kaka yam tilina a mba tin huruzi kanu, a mba deng tazi yam ad’eng manda mi.

Isai 49:1

Agi suma nga kaka yam tilina, agi humundiya. Agi suma sä deina, agi tinigi humagi humugi mi. Ma didina mi yanï ni kur asun dei, mi de zlad’a ki simiyên ni kid’a an nde woi kur asunda dei mi.

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Isai 41:5

Suma a nga kaka yam tilina, a nga le mandarâ; suma sä kaka avun dabid’a handagad’ina a nga zlaga, a nga hud’ïya, a nga djïya.

Isai 40:15

Gola! Andjaf suma a ni d’igi mbiyo ma tol kä hur sona ndeng tuna na, a ni d’igi andaga d’a gugud’up pa a hlat ki kilonid’a na. Gola! Til la tetenga ti ni d’igi andaga d’a gugud’up pa ti fel leid’a na.

Isai 24:15

a dala: Agi suma abo ma yorogona, agi suburugi Ma didina; agi suma avun alum ma ngolîna, agi suburugi simiyê Ma didina Alona hi Israel-lîna.

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

Ad’u Tinda 10:25

Heber mi vut grona mbà, ma avo’â a yum ala Pelek, kayam kur atchogoi mamba suma a wal lei yam andagad’a teteng. Wiyema a yum ala Joktan.

Ad’u Tinda 10:4

Javan groma ba wana: Elisa, Tarsis, Kitim ki Dodanim.

Ad’u Tinda 10:6

Ham groma ba wana: Kus, Misrayim, Put ki Kanan.

Ezekiyel 26:15

Salad’a Ma didina mi de mazì ma Tir-râ ala: Tila mba d’i giget fata a b’laganga, suma a mba fe mbilîna a mba bo kä kur gulumun mangâ krovo.

Ezekiyel 26:18

Ki tchetchemba, suma kur tilina a nga zlak yam puk manga, suma kur til la kur alum ma ngolîd’a a nga le mandarâ yam b’lak mang nga woid’a.

Daniel 11:18

Bugola, mba mi mbut iram yam suma kur tilina, mba mi yo andagad’a ablaud’a, gak grangâ hi suma dingîna mba mi d’elem avun sun mam mba zulo ndata; sun mam mba zulo ndata mba d’i hulong kamu.

Ad’u Tinda 9:19

Nata Noe grom suma hindi ndazina ba, suma a zul lei yam andagad’a pet wana.

Ad’u Tinda 10:32

Wana nadesâ hi Noe gromina, ad’u andjavaziya, ad’u adezeziya; nata azi ba, suma a b’rau woi yam andagad’a teteng bugol kusa hi mbinid’a.

Gat ta a hat á mbàd’id’a 32:8

Kid’a Ma kal teglesâ mi b’rau andagad’a mi sumid’a, mi tin ir hagad’a handjaf sumid’a, mi tin suma lara pî ata yazi ngad’a yam andjafâ hi Jakob-ma.

Ester 10:1

Amulâ Asuwerus mi tin tara yam suma kur ambasina, yam suma kur tilina mi.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.