Ad’u Tinda 1:20 - Bible azumeina

²⁰ Alona mi de kua ala: Ar ahle suma arina a zul mimiyâk aduk mbina, ar aluweina a pir akulo yam andagad’a mi.

Ad’u Tinda 1:20 Referans Kwoze

Ad’u Tinda 2:19

Ma didina Alona mi yo andagad’a, mi lazureina, ambureina kaluweina pet, mi mbazi mi sa máma á we mam mba mi yazi nana ge, kayam ahle suma arina pet a fe simi ma sa máma mba mi tinizizina.

1 Amuleina 4:33

Mi de zlad’a yam agu ma lara ge pet, tin ad’ud’a ata agu sedre ma Liban-na dei gak mba ata agu hisop ma gurei ma deî kä ad’u gulumunina. Mi de zlad’a yam ambureina, yam azureina, yam d’uwarâ, yam aluweina, yam ahle suma dram kä na, yam kulufâ mi.

Sawal la giled’a 148:10

Agi ambureina, azureina, d’uwarâ pet, agi ahle suma dram kä na kaluwei suma pira, agi gilegiziya!

Ad’u Tinda 1:30

An he asu ma nguloma mambureina kazureina kaluweina kahle suma a dram kä yam andagad’ina; ni te mazina. A le hina mi.

Ad’u Tinda 8:17

Ang tchuk ahle suma ari suma a nga ki sed’engâ woi pet abua, nala, aluweina, azureina, ambureina, d’uwarâ kahle suma a dram kä na, kayam azi b’rau woi yam andagad’a, a zula.

Ad’u Tinda 1:22

Alona mi b’e vunam kaziya, mi dazi ala: Agi vud’ugiya, agi zulugiya, agi oyôgi alum ma nglona; ar aluweina a zul yam andagad’a mi.

Ad’u Tinda 1:14

Alona mi de kua ala: Ar ahle suma b’o yina a kak sä akulo á wal ir faleid’a kandjeged’a, á tak burâ ki bizad’a katchogoid’a mi.

Ad’u Tinda 1:7

Wani hur alona mi nde woi mi. Ni hina ba, Alona mi wal ir mbiyo ma kä na ki ma akulona. A nga hina mi.

Sunda hi suma a sunuzinid’a 17:25

Nga mi min suma á ndjunum mbi, kayam nga mi kid’ak va d’i, kayam mam mi ma he arid’a mi sumina, mi hazi muzuka kahlena pet mi.

Ma tchi wala 2:21

Sama dingâ mi nga mi le sunda ki ned’a ki wad’ud’a ki d’ingêra ki kaud’a. Wani mba mi arazi mi sama mi fe nga ndaka ki sed’ezi d’uo na. Wana ni sun nda hawa yak ka tcho d’a kala!

Ad’u Tinda 1:19

Fladeged’a nga, yorogod’a nga mi; ni bur ma fid’ina.

Ad’u Tinda 1:21

Alona mi lamburei suma nglo suma aduk mbinina, kandjaf ahle suma ari suma a nga djang kä aduk mbinina, kandjaf aluwei suma a nga pir akulona pet mi. Alona mi wala ni djivid’a iramu.

Ad’u Tinda 7:21

Ahle suma ari suma yam andagad’ina pet, nala, aluweina, d’uwarâ, azureina, ambureina, ahle suma a dram kä na pet ki suma pet, a bo woyo.

Sunda hi suma hi Levi-nid’a 11:42

Ar agi mud’ugi ahle suma gurei suma dram kä yam andagad’ina d’oze suma a tan kä ki hayazina d’oze suma abozi fifid’ina d’oze suma abozi ablaud’ina d’uo mi, kayam azi nahle suma ndjendjed’a.

Sunda hi suma hi Levi-nid’a 11:43

Ar agi b’lagagi tagi kahle suma a dram kä yam andagad’ina d’i. Agi mbud’ugi tagi ndjendjed’a ki sed’ezi d’i, ar azi mbud’ugi ndjendjed’a d’uo mi.

Wana ni mbaktumba hi Job-pa 12:9

Ni nge mi wazi nga ala: Ahle ndazina pet Ma didina mi lazi ni mamu d’uo ge?