Ad’u Tinda 1:16 - Bible azumeina

¹⁶ Alona mi lahle suma b’o yi suma nglona mbà; b’o d’a ngola nafata á te yam faleid’a; d’a gora ni tilâ á te yam andjeged’a; mi le tchitchiud’a kua mi.

Ad’u Tinda 1:16 Referans Kwoze

Gat ta a hat á mbàd’id’a 4:19

Ar agi hlagi iragi akulo hur alona á gol afata tilâ ki tchitchiud’a kahle suma akulona pet ba, a lobogi vunagi á kud’urozi á lazi sunda d’i, kayam nahle suma Ma didina Alo magina mi hazi mandjaf ma ding ma nga kaka yam andagad’a petna.

Sawal la giled’a 8:3

Ang mba nde ki giled’a avun gugureina ki kem mba tchapona á d’el mang suma djangûna ki suma a hal hlatchugulina bei de zlad’a mi.

Isai 40:26

Agi hlagi iragi akulo, agi gologiya. Ni nge ba, mi lahle ndazina ge? Ni mam ba, mi lahle ndazina ki zla tazi wan pepet tuo zu? Mi yazi ki simiyêzi gagang, ata ad’eng mam mba ngola ki sib’ik mamba mi. Ma kid’ak siminina nga d’i.

Sawal la giled’a 148:5

Ar agi pet gilegi simiyê Ma didina, kayam mam he vuna kagiya, agi nga mi.

Sawal la giled’a 74:16

Faleid’a ni manga, andjeged’a ni manga mi, ni ang ba, lafata ki tilâ mi.

Sawal la giled’a 148:3

Afata ki tilâ, agi gilegiziya! Agi tchitchiu d’a b’o yina pet, agi gilegiziya!

Wana ni mbaktumba hi Job-pa 38:7

Nata yi máma ba, tchitchiu d’a yorogod’a ti hle sawala abo tat tu, malaika mana pet a hle sawala ki furîd’a ki delezi akulo mi.

1 Korente-na 15:41

Wiled’a hafatid’a ni vad’u, wiled’a hi tilîd’a ni vad’u, wiled’a hi tchitchiud’id’a ni vat mi, wani aduk tchitchiud’a pî, wile mata ni teteng.

Matiye 27:45

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Habakuk 3:11

Afata ki tilâ a ar mungôra ata yazi abo b’od’a hi yeû manga ki djang matna, abo wiled’a hasap mangid’a mi.

Isai 45:7

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Isai 13:10

Kayam tchitchiud’a kades tchitchiu d’a tetenga d’igi dumusa teteng na d’a a mba b’o d’i, afata mba d’i mbut nduvunda ata yat ma deîd’a, tilâ mba mi b’o d’uo mi.

Sawal la giled’a 19:6

Afata ni d’igi gor azong ma tel atchad’a awili ma nga mi nde woi yorogo avun aziyam ki furîd’ina na. Ti ni d’igi sama ad’eng ma kus ayî ma nga mi guvutna na.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Wana ni mbaktumba hi Job-pa 31:26

Le an gol b’od’a hafatid’a ata yima ti nga d’i b’o na, an gol tilâ ata yima nga mi tit kur subur mambina mi,

Matiye 24:29

Jesus mi dazi kua ala: Bugol ndaka hi bur mámid’a, atogo hina zak afata mba d’i mbut nduvunda, tilâ mba mi b’o d’i, tchitchiud’a mba d’i tchugï kä, ahle suma ad’eng suma akulona a mba yira.

Ad’u Tinda 1:15

Ar azi a b’o yam andagad’a. A le hina mi.

Jeremi 31:35

Wana ni zlad’a hi Ma didin ma hafata á b’o yina faleina, ni ma he gata mi tilâ ki tchitchiud’a á b’o yina andjegena, ni ma nga mi zut alum ma ngolâ nga mi lum abilim á tchina mi na. Simiyêm ala Ma didin ma ad’engêm kal petna.