Sunda hi suma a sunuzinid’a 9:39 - Bible azumeina

³⁹ Pierre mi tchol atogo zak, mi i ki sed’eziya. Kid’a mi mbad’a, a i ki sed’em kur gong nga yam ndrata akulod’a. Arop suma modonod’a pet a hut gevem a nga tchiya, a nga tagam baru d’a gureid’a ki d’a nglod’a suma Dorkas ti lazi kid’a ndat nga ki sed’ezi tua d’ina.

Sunda hi suma a sunuzinid’a 9:39 Referans Kwoze

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

Efes-sâ 4:28

Sama kul adjeuna, ar mi kul luo d’a, wani ar mi le ni sunda kabom á fahlena á ndjun suma houd’a.

Zla d’a d’ogolâ 10:7

Djib’er ra yam sama d’ingêr ma mi mitna ni b’e vuna, wani a mba mar rei yam simiyê suma asa’at suma a bona.

1 Jean 3:18

Grona, ar ei leigi od’a ki zla d’a ded’a d’oze ki vunei go d’i, wani ki sun nda led’a ki gagazid’a.

1 Tasaloni’â 4:13

B’oziyomina, ami minimi ala agi kagagi kur vita yam suma matna d’i. Ar agi yorogi tagi kazi d’igi suma hiu suma bei hur ma tinda ba na na d’i.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

Sunda hi suma a sunuzinid’a 20:35

Kur ahlena pet, an tagagi á le sun nda djivid’a, kayam agi ndjunugi suma hohoud’a. Agi djib’eregi yam zlad’a hi Salad’a Jesus d’a mam tam dat ala: Alona mba mi b’e vunam yam sama hed’a kal ma ved’a d’a.

Sunda hi suma a sunuzinid’a 9:41

Pierre mi vat abod’u, mi tcholot akulo. Mi yi suma a he gagazid’ina karop suma modonod’a, mi hazizi ki arid’a.

Sunda hi suma a sunuzinid’a 8:2

Suma ding suma a nga le mandara Alonina a tos Etienne, a tchim ngola.

Sunda hi suma a sunuzinid’a 6:1

Kur bur máma, kid’a suma hata a nga zul kam kua kam kua d’a, Juif suma a nga de vun Gre’îna a nga le yungôra yam Hebre suma Jude-na, kayam azi nga djib’er yam arop mazi suma modonod’a kahle suma azi nga b’rawazi burâ ki burîna d’i.

Jean 17:12

Kid’a an nga ki sed’ezid’a, an ngomozi ki simiyêng ma ang handjina, an nga ni ngomozi mi. Sa adigazi tu ba nga woi d’i, ni ma a tinim á bad’a woina hol, kayam zla d’a a b’irit kur mbaktum mangid’a ti ndak memet.

Jean 12:8

Kayam agi nga ki suma houd’a teteu, wani an nga ki sed’egi teteu d’i.

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.

Marik 14:8

Ti le ni vama nda’â, ti lan mbulâ atan avok yam tos manda.

Matiye 26:11

Agi nga ki suma houd’a teteu, wani an nga ki sed’egi teteu d’i.

Matiye 17:17

Jesus mi hulong dazi ala: Agi suma bei he gagazid’a suma bei hum vuna suma kur atchogoî d’a wandina, an mba ni kak ki sed’egi gak mindja ge? An mba ni ve tan ki sed’egi gak mindja ge? Agi mbeyendjïya.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

2 Samuel 1:24

Agi arop suma Israel-lâ, agi tchigi yam Saul mam ma mi tchugugi baru d’a hleu d’a subura atagina, ma mi tchugugi ahle suma lora ata baru maginina mi.

Sunda hi suma a sunuzinid’a 1:13

Kid’a azi kal avod’a, azi djak kur gong nga yam ndrata akulod’a, ata yima azi nga kaka kuana, nala, Pierre azi ki Jean, Jacques, Andre, Filip, Toma, Bartelemi, Matiye, Jacques Alfe goroma, Simon ma kak djangûna ki gata hi Romê-d’a avo’â ki Judas Jacques goroma mi.

1 Timote 5:3

Ang djib’er yam arop suma modono suma gagazina, ang huzi mi.

1 Timote 5:5

Atcha d’a modono d’a gagazi d’a nga kaka vata, nga d’i tin hurut ni yam Alona, nga d’i tchenem andjege ki faleya.