Sunda hi suma a sunuzinid’a 8:5 - Bible azumeina

⁵ Filip mi i kur azì ma ngol ma ding ma Samari-na, nga mi tchazi wala yam Mesi.

Sunda hi suma a sunuzinid’a 8:5 Referans Kwoze

Sunda hi suma a sunuzinid’a 6:5

Zla ndata le suma toka tazi djivid’a heî. A man Etienne sama gagazi ma oîd’a ki Muzuk ma bei tchod’ina, Filip, Prokor, Nikanor, Timon, Parmenas ki Nikola ma Antiyos ma mbut Juif-fîna.

Sunda hi suma a sunuzinid’a 21:8

Tcha ndjivinda ami tcholomi mbami sä Sesare. Ami kalami avo hi Filip ma tchi wal Zla d’a Djivid’ina, ni ma aduk suma kid’iziya suma a manazi avo Jerusalem-ma. Ami kagami ki sed’emu.

Sunda hi suma a sunuzinid’a 8:40

Wani Filip mi gol wani mi ni avo Azot. Mi i avok gak mi kal Sesare. Kur tit mamba mi tchi wal Zla d’a Djivid’a kur azì ma nglona pet mi.

1 Korente-na 3:11

Kayam sana mi ndak á gäd’u gong nga ding ngi. Ad’u ge d’a gagazid’a ti nga da’, nala, ni Jesus Christ tamba.

1 Korente-na 1:23

Wani amiya, ami tchami ni wala Christ ma a b’alam akulo ata agunina. Ir Juif-fâ zla ndata ni vama dap asema, ir andjaf suma dingâ ni vama lilid’a mi.

Sunda hi suma a sunuzinid’a 5:42

Bur ma lara pî, azi nga kur gong nga kud’ora hAlonid’a d’oze kur azina hi sumina, a ar nga bei hat suma d’oze bei tchi wal Zla d’a Djivid’a hi Jesus Christ-sa d’uo mi.

1 Korente-na 2:2

Ata yima an sä adigagina, an min á we vama ding ngi, ni Jesus Christ ma a b’alam akulo ata agunina hol.

Sunda hi suma a sunuzinid’a 9:20

Ata yi máma na wat, mi nde tchi wala kur gongîyo suma toka hi Juif-fîna, nga mi dala: Jesus nAlona Goroma.

Sunda hi suma a sunuzinid’a 8:1

Kur bur máma djop vun ma ngolâ mi nde yam suma toka avo Jerusalem. Azi pet a b’rau woi yayak yam ambas sa Jude-d’a ki Samari. Suma a sunuzina a arî azi hol.

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

Sunda hi suma a sunuzinid’a 8:6

Ablau suma a nga tokina a hum zla d’a Filip mi dazizid’a ki furîd’a, a wahle suma atchap suma mi lazina.

Sunda hi suma a sunuzinid’a 8:26

Wani malaikana hi Salad’ina mi de mi Filip ala: Ang tchol ang i abo ma sutna kur lovot ta Jerusalem mba i Gaza-d’a, kur lovot ta i abageid’a.

Sunda hi suma a sunuzinid’a 8:30

Filip mi ring gevemu, mi hum nga mi ndum kur mbaktum mba ma djok vun Alona Isai mi b’irita. Mi djobom ala: Ang wäd’u vama ang nga ndumum wana ko?