Sunda hi suma a sunuzinid’a 8:27 - Bible azumeina

²⁷ Mi tchol mi iya. Gol wani, mi we adimbang sama Etiyopi-na nga mi djïya. Ni ma ngol ma ngom beged’a hi Kandasa amul la Etiyopi-d’ina. Mi mba Jerusalem á kud’or Alona.

Sunda hi suma a sunuzinid’a 8:27 Referans Kwoze

Sofoni 3:10

Suma a kud’urona ki man suma a ndjoyôzi woina, a mba tcholï abo alum ma Etiyopi-na woi hî, a mba mban he d’a hawad’a.

Sawal la giled’a 68:31

Ang ngop ambur ma aduk tchereunina, nala, Ezipte, ang ngop ades amuzlei suma andjofâ ki grozina, nala, andjaf suma dingâ, ang hulongôzi yazi kä gak a mba á hang bege d’a hapa he d’a hawad’a, ang ndjoî andjaf suma a min dur ayînina woyo.

Jeremi 38:7

Wani Ebet-Melek ma Etiyopi-na, ni adimbang ma kur azì ma amulina, mi hum ala a ge wa Jeremi kur golong nga adjeud’a. Amulâ mi nga kaka avun agre’â hi Benjamin-nina.

Sawal la giled’a 87:4

An mba ni de woi yam Ezipte ki Babilon aduk suma a wana ala: Gola! Suma Filistê-na ki suma Tir-râ ki suma Etiyopi-na a vud’uzi ni kur ambas sa wanda!

Jean 12:20

Grek suma dingâ a nga aduk suma a i á kud’or Alona ata yima vun tilâ na.

Matiye 12:42

Kur bur ma ka sariyad’a, amul la abo ma sutnid’a mba d’i tchol á ka sariyad’a yam suma kur atchogoi d’a wandina, kayam ti tcholï avun dabid’a handagad’id’a adjeu, ti mba á hum ned’a hi Salomon-nda. Gola! Ma kal Salomon ki ngolina mi kä wana.

Jeremi 13:23

Ma Etiyopi-na mi ndak á mbut babagam zu? Sindilâ mi ndak á mbut d’udjo mamba zu? Hina mi, agi suma had’agi ki tcho d’a led’ina, agi ndak á lagi djivid’a d’uo mi!

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Isai 60:6

Suma djambala ablaud’a a mba oî yam ambas maka. Azi ni suma djambal suma Madiyan-na ki suma Efa-na. Azi pet a mba tcholï ni Seba, a mba mba ki lora ki dubang ma his djivid’ina, a mba gile Ma didina mi.

Isai 60:3

Andjaf suma a mba mba kur b’o maka, amuleina a mba mba kur wile mak ka nga d’i wile kaka mi.

Isai 45:14

Ma didina mi dala: Agi Israel-lâ, fed’a hi suma Ezipte-nid’a ki beged’a hi suma Etiyopi-nid’a ki d’a hi suma Sabe suma fuyogeinid’a mba d’i kalï avo hatagiya, mba d’i arî magid’a mi. A mba tit blogogi ki kindjingâ aseziya, a mba dagi zlad’a ki hud’a ala: Alona navo hatagi tu, ma ding nga d’i.

Isai 43:6

An mba ni de mi suma abo ma norâ ala: Agi handjiya! An mba ni de mi suma abo ma sutna ala: Agi d’elezi kä d’i! Agi mbeyegï ki gron suma andjof suma sä deina ki gron suma arop suma sä avun dabid’a handagad’ina mi.

Sawal la giled’a 68:29

Alo mamina, ang tagami ad’eng manga woyo, ang tagamizi woi d’igi ang lat ki sed’emi adjeu na.

1 Amuleina 10:1

Amul la Seba-d’a ti hum zla Salomon, ti mba á kugum ki ne mamba, ti djobom yam zla d’a mudurid’a.

Hebre-na 11:8

Ni yam he gagazid’a ba, Abraham, ata yima Alona mi yuma, mi ge yam kä, mi i yam andaga d’a Alona humzi djonid’a. Mi ar ambas mamba, mi we nga yima mi i kuana d’i.

Jeremi 39:16

Ang i de mi Ebet-Melek ma Etiyopi-na ala: Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndak ka an dat zlat yam azì ma ngol ma wanid’a, an nga ni mba ki tchod’a, an nga ni mba ki djivid’a d’i. Ahle ndazina a mba le ni irang angû.

Isai 18:7

Kur atchogoi ndata, suma a mba mba ki he d’a hawad’a mi Ma didin ma ad’engêm kal petna. Ni he d’a hawad’a hi suma fuyogei suma babagazi akulongôd’id’ina. Ni suma suma yam andagad’ina pet a nga lazi mandarazina. Nandjaf suma sib’ik suma a nga miret mazi suma djangûna kä kasezi suma aluma mi wal ir ambas mazid’a woi tetengâ. A mba i ki sed’et ata yima Ma didin ma ad’engêm kal petna mi tak simiyêm mbei kua yam ahina d’a Siyon-ndina.

Sunda hi suma a sunuzinid’a 8:28

Kid’a nga mi hulong avod’a, mi nga kaka kur pus mama, nga mi ndum mbaktum mba ma djok vun Alona Isai mi b’irita.

Gat ta a hat á mbàd’id’a 30:13

Mi sä nabo alum ma ngolâ abo hî ba, agi mba dagi ala: Ni nge ba, mba mi djak alum ma ngolâ, mba mi veizï ei mba humum á lei sunda kam ge d’uo mi.