Sunda hi suma a sunuzinid’a 8:20 - Bible azumeina

²⁰ Wani Pierre mi dum ala: Ang ba woi ki bege manga, kayam ang djib’er ala á fe he d’a hawad’a hAlonid’a ni ki beged’a!

Sunda hi suma a sunuzinid’a 8:20 Referans Kwoze

Matiye 10:8

Agi sud’ugi suma tugud’eid’a, agi tchologi suma matna akulo, agi sud’ugi suma libina, agi digigi muzuk ma tchona woi kur suma. Agi vagi ni hawa, agi hagi mi suma ni hawa mi.

Daniel 5:17

Ata yi máma Daniel mi hulong de mamulâ ala: Amulâ, ang ngom he d’a hawa manga, d’oze ang hat mi suma dingâ. Wani an mba ni ndum zla d’a b’ir ndata, an mba ni vangzi ad’ut tei mi.

Sunda hi suma a sunuzinid’a 2:38

Pierre mi dazi ala: Agi mbud’ugi hurugi yam tcho magid’a, nge nge pî adigagi mi le batemba ki simiyê Jesus Christ, kayam Alona mi vat hurum mbei yam tcho magid’a. Hina wani, Alona mba mi hagi Muzuk ma bei tchod’a ba na hawa.

Vama ndum mbeina 18:15

Suma mbut abozi suma a mbut suma ndjondjoîna kuruma a mba tchol sä woi hina dei abo mandarâ hi ndak ka mba kamba. A mba tchiya, a mba yor tazi kam mi.

Jacques 5:3

Lor magid’a ki bege magi d’a hapa a tchor wa. Tchor ndata mba d’i le glangâs ma tchona kagiya, mba d’i ngalagi hliwigi d’igi akud’a na mi. Agi togogi wa ndjondjoî magid’a yam bur ma dabid’a.

Sunda hi suma a sunuzinid’a 8:22

Kayam ndata, ang mbut hurung yam tcho manga, ang tchen Salad’a, dam hurum mba mi vat tei yam djib’er ra kurunga kla.

1 Timote 6:9

Wani suma a hal ndjondjoîd’ina a nga nde kur kuka, a nga ve ki dauna, a nga ve ki d’od’ok ka lili d’a tchod’a ablaud’a yam ahle suma a sir suma kä kur b’laka ki bad’ina.

Sunda hi suma a sunuzinid’a 11:17

Le Alona mi hazi he d’a hawad’a d’igi mi heizi mi ei kid’a ei hei gagazid’a yam Salad’a Jesus Christ-sa na ni, an ni nge ba, ni d’el Alona ge?

Sunda hi suma a sunuzinid’a 10:45

Juif suma a he gagazid’a suma a mba ki Pierre-râ a le atchap, kayam Alona mi vo Muzuk ma bei tchod’a ba na yam andjaf suma dingâ mi.

Matiye 15:19

Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

Zakari 5:4

Ma didin ma ad’engêm kal petna mi dala: An mba ni sunï vun ma ge máma, mba mi kal avo hi ma kul ma lara d’oze avo hi sama lara ma nga mi gun tam ir gurzula ki simiyêna, mba mi kak avo hatam mba mi ngalam ahligiyem mbei kagu ma murgulina kahinad’a woi pet.

Isai 55:1

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Gat ta a hat á mbàd’id’a 15:9

Agi gologi tagi djiviya, ar agi djib’eregi djib’er ra tchod’a kurugi ba, agi dagi ala: Biza d’a kid’iziya d’a hulong ahlena akulod’a ar go, agi gologi wiyegi ma houd’a is á wum hohowom á hum va d’uo d’a d’i. Mam mba mi tchi avok Ma didina kagiya, tcho ndata mba d’i arî kagiya.

Sunda hi suma a sunuzinid’a 1:18

Sa máma mi gus asinena ki wurak mam mba tchod’a, mi ge tam kä, hayam mun ndeyo, aruwad’am buzuk kei mi.

Zla d’a d’ogolâ 15:26

Djib’er ra tchod’a ni vama ndjendjed’a ir Ma didina, wani zla d’a de d’a djivid’a ni vama djivina iram mi.

Gat ta a hat á mbàd’id’a 7:26

Ar agi kalagi vama ndjendjed’a avo hatagi tala agi mbud’ugi ndak b’laka d’igi va máma na d’a d’i. Ar agi b’lagam mbeyo, agi golomî vama ndjendjed’a, kayam nahle suma a he vuna kazi á b’lagazi woina.

Sunda hi suma a sunuzinid’a 8:19

Mi dazi ala: Agi han ad’eng ndata mi, kayam sama lara ma an tin abon kama, mi ve Muzuk ma bei tchod’a ba na kurum mi.