Sunda hi suma a sunuzinid’a 7:9 - Bible azumeina

⁹ Abuyoi ngolo ndazina a le yungôra yam Josef. A guzum mbei abo suma, a i ki sed’em Ezipte-na. Wani Alona mi nga ki sed’emu,

Sunda hi suma a sunuzinid’a 7:9 Referans Kwoze

Ad’u Tinda 39:2

Ma didina mi nga ki Josef; sun nda mam nga mi lata pet, nga d’i labom djivid’a. Mi nga avo hi salam ma Ezipte-na.

Sawal la giled’a 105:17

Mi sun sana avorozi tu. Ni Josef ma azi guzum mbei d’igi magoma na na.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Ad’u Tinda 45:4

Mi dazi kua ala: Agi hud’ugï geven go. Azi hud’ï gevemu. Mi dazi kua ala: Ni an wiyegina Josef ma agi guzum mbei á im Ezipte-na.

Matiye 27:18

Kayam mi we tcha ala ni yam yungôra ba, a hum ki Jesus wana.

Ad’u Tinda 39:5

Wani ata yima Potifar mi tinim yam aziyam mi hum ahle mama pet aboma, Ma didina mi b’e vunam kam yam Josef. Ma didina mi b’e vunam yam ahle mama pet kaziyam kasinem mi.

Wana ni mbaktumba hi Aze-d’a 2:4

Ki tchetchemba, Ma didina mi dala: Zorobabel, ang ve tangû; ma ngol ma ngat buzuna Josue Josadak goroma, ang ve tangû; agi suma yam ambasina pet, agi vagi tagiya, agi lagi sunda, kayam an nga ki sed’egiya.

1 Korente-na 13:4

Sama od’a nga mi ve tamu, nga mi le djivid’a, nga mi le yungôr ri. Sama od’a nga mi subur tam mbi, nga mi le yam mba ad’eng nguo mi.