Sunda hi suma a sunuzinid’a 7:60 - Bible azumeina

⁶⁰ Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

Sunda hi suma a sunuzinid’a 7:60 Referans Kwoze

Matiye 5:44

Wani an nga ni dagiya, agi lagi od’a yam magi suma djangûna, agi b’agi vuna yam suma a nga gagi vunina, agi lagi djivid’a mi suma a nga noyôgina, agi tchenegi Alona yam suma a nga lagi tchod’ina, yam suma a nga djobogi vunagina mi.

Wana ni Zla d’a Djivi d’a Luc mi b’irita 23:34

Jesus mi dala: Abunu, ang vat hurung ngei kaziya, kayam azi we nga vama azi nga luma d’i. A b’rau baru mamba aduk taziya, a tumut gumara.

1 Korente-na 15:20

Wani ki tchetchemba, Alona mi tchol wa Christ akulo aduk suma matna. Mam mi Ma tchol akulo avok aduk suma a bona.

Sunda hi suma a sunuzinid’a 20:36

Kid’a Paul mi de hina dad’a, mi grif kä, mi tchen Alona ki sed’ezi pet.

Sunda hi suma a sunuzinid’a 9:40

Pierre mi buzuk suma pet woi abua, mi grif kä, mi tchen Alona. Mi mbut iram yam mad’ad’u, mi yat ala: Tabita, ndak tchol akulo. Ti mal irat teyo, ti gol Pierre, ti tchol kak akulo.

Wana ni Zla d’a Djivi d’a Luc mi b’irita 6:28

Agi b’agi vuna yam suma a nga gagi vunina, agi tchenegi Alona yam suma a nga lagi ndakina mi.

1 Korente-na 15:18

Le ni na, suma a he gagazid’a yam Christ suma a bona, a ba ni woyo.

Sunda hi suma a sunuzinid’a 21:5

Kid’a bur ma kid’iziyana dapa, ami tcholomi á imi avogo. Azi kamiyôzina ki grozina pet, azi tinimi gak a ndami sä woi bugol azì ma ngolâ. Ata yi máma, ami grivimi kä avun alum ma ngolâ, ami tchenemi Alona.

Sunda hi suma a sunuzinid’a 13:36

Bugol la David mi le sunda kur atchogoi mamba kur minda hAlonid’a led’a, mi mid’a. A tozom gen abuyom ngolo, mi tchima.

Wana ni Zla d’a Djivi d’a Luc mi b’irita 22:41

Mi wal lei ki sed’ezi dubung d’igi sana mi gahinad’a na, mi grif kä, mi tchen Alona.

1 Tasaloni’â 5:10

ma mit keina. Kayam ndata, le ei nga ki irei d’oze le ei boi pî, ei mba kagei karid’a zlapa ki mamu.

1 Korente-na 15:6

Bugola, mi nde tam mbei ir mam suma hata kal kikis vahl; ablaud’a adigazi a nga ki irazi ini, wani suma hiuna a bo wa.

Matiye 27:52

Vun asud’a ti mal leyo, ablau suma hAlona suma a bo adjeuna a tchol akulo.

Daniel 6:10

Ata yima Daniel mi wala amulâ mi tin wa abom yam gat ndata na, mi hulong avo hatamu. Mi djak akulo kur gong nga yam ndrata akulod’a, mi mal fenetre d’a irat abo ma Jerusalem-mid’a woyo. Bur ma tuna nga mi grif kä avok Alona yam hindi, nga mi tchenemu, mi gilem simiyêm mi, d’igi nga mi ladjeu dei na.

1 Korente-na 11:30

Ni kayam zla ndata ba, suma ablaud’a adigagi a nga tugud’eid’a, suma homozed’a a nga, suma dingâ ablaud’a a bo wa mi.

Esdras 9:5

Kur ler ra fladege d’a a ngat ahlena buzuna kuad’a, an tcholï ata yi man ma an mbut tan hohoud’a kuana ki baru mana ki baru man nda ngola haûd’a woi atan pet, an grif kä, an yo abon akulo avok Ma didina Alo mana,

1 Korente-na 15:51

Gola! An nga ni dagi zla d’a mudurid’a: Ei mba boi pet ti, wani fata adif fa dananda ti tchid’a, ei mba mbud’i pet atogo zak d’igi ir ra tchemba na. Kayam ata yima ti tchina, suma matna a mba tchol akulo ki ta d’a bei matna, ei mba mbud’i pet mi.

Daniel 12:2

Ablau suma a nga bona a mba zlit akulo. Suma dingâ a mba kak karid’a gak didin, suma dingâ a mba kak kur zulona kur gol la isa gak didin mi.

Jean 11:11

Bugol zla ndata mi dazi ala: Baneina Lazar, mi bur wa sena, wani an i ni zlid’im akulo.

2 Timote 4:16

Wani ata yima sariya man nda avoka, sa nga ki sed’en ndi, wani azi pet a aranu. Ar Alona mi ndum tcho ndata kazi d’i.

2 Pierre 3:4

Azi mba dala: Mi hle vunam ala mam mba mba d’uo zu? Mi nga ni lara ge? Kayam kad’u tinda hi simiyeî suma a bona ei deid’a, ahlena pet a nga nata yazi d’igi a lazï adjeu dei na.