Sunda hi suma a sunuzinid’a 7:55 - Bible azumeina

⁵⁵ Wani Etienne mi oî ki Muzuk ma bei tchod’a ba na, mi so iram gola akulo, mi we subura hAlonid’a ki Jesus mi nga tchola ata Alona bigam mba ndjufa.

Sunda hi suma a sunuzinid’a 7:55 Referans Kwoze

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Sunda hi suma a sunuzinid’a 6:10

Wani azi ndak á kal kam mbi, kayam nga mi dazi zlad’a ki ne d’a Muzu’â mi humzid’a.

Sunda hi suma a sunuzinid’a 6:8

Etienne ma Alona mi b’e vunam kam mi hum ad’enga mi na, mi lahle suma atchapma kahle suma simata ngola aduk suma.

Sunda hi suma a sunuzinid’a 6:5

Zla ndata le suma toka tazi djivid’a heî. A man Etienne sama gagazi ma oîd’a ki Muzuk ma bei tchod’ina, Filip, Prokor, Nikanor, Timon, Parmenas ki Nikola ma Antiyos ma mbut Juif-fîna.

Hebre-na 8:1

Zla d’a kal papa d’a ami dagizid’a ba wana: Ei nga ki ma ngol ma ngat buzu ma i kak sä akulo ata bik ka ndjufa hi zlam mba amula hAlo ma ad’eng ma kal papanina.

Sunda hi suma a sunuzinid’a 2:4

Azi pet a oî ki Muzuk ma bei tchod’a ba na, a nde de zlad’a ki vuna hi sumina teteng d’igi Muzu’â mi hazizi á ded’a na.

Jean 12:41

Isai mi de zla ndata hina, kayam mi we subura hi Jesus-d’a, mi de kam mi.

Sawal la giled’a 109:31

Kayam mam mi grangâ hi sama houd’a á sud’um mbei abo suma a vum ki zlad’ina.

Sunda hi suma a sunuzinid’a 6:3

Kayam ndata, agi b’oziyomina, agi managi suma kid’iziya ni suma suma a nga le glangâs ma djivina kazina, ni suma oîd’a ki Muzuk ma bei tchod’a ki ned’ina, ami hazi sun ndata aboziya.

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Ezekiyel 11:23

Subur mamba ti tcholï hur azì ma ngolâ, ti i tchol sä woi yam ahina d’a abo ma yorogona hazì ma ngol mamid’a.

Ezekiyel 10:4

Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi.

Vama ndum mbeina 21:11

Subura hAlonid’a ti nga d’i wile kua. Ti nga d’i ngal wiwilik d’igi ahina d’a guzut kal teglesa na, d’igi ahina d’a jaspe d’a ngal wiwilik d’igi kristala na d’a na mi.

2 Pierre 1:17

Kayam Abum Alona mi hum mi suburum ata yima dela ti tcholï ata subur ra ngol la kal papad’a ala: Wana ni Goron ma an hurun vum heîna, ni ma tan ndi lan djivid’a heî kama na.

Sunda hi suma a sunuzinid’a 4:8

Ata yi máma, Pierre mi oî ki Muzuk ma bei tchod’a ba na, mi dazi ala: Agi amuleina hi sumina ki suma nglona hi Israel-lîna,

Jean 14:3

Le an i wa ni min wa yina kagiya ni, an mba hulongî á yogi sä gevenu, kayam yima an nga kak kuana, agi mba kagagi kua mi.

Ezekiyel 10:18

Subura hi Ma didinid’a ti ndeï woi avun yima kala hi gong nga kud’orina, ti i d’i kak yam tcherebêna.

Ezekiyel 3:23

An tchola, an i kur hora. Gol wani, subura hi Ma didinid’a nga tchola d’igi sana na hle tat d’igi subur ra an wat avun alum ma Kebar-rid’a na. Ata yi máma an ge tan kä avoromu.

Jean 11:41

Kayam ndata, azi ligat ahina ndata woyo. Jesus mi hle iram akulo, mi dala: Abunu, an lang mersi kayamba ang humunda.