Sunda hi suma a sunuzinid’a 5:14 - Bible azumeina

¹⁴ Suma a he gagazi mi Salad’ina a nga zul kam kua kam kua ablaud’a, andjofâ karopma mi.

Sunda hi suma a sunuzinid’a 5:14 Referans Kwoze

Sunda hi suma a sunuzinid’a 2:47

a nga gile Alona mi. Suma pet a nga yoroziya. Burâ ki burâ Salad’a nga mi sut suma dingâ kazi kua kazi kua kur Toka.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

Sunda hi suma a sunuzinid’a 22:4

An djop vun suma a nga kur lovota hi Salad’id’ina ngola heî. Suma hiuna a bo. An djin andjofâ karopma, an tchuguzi dangeina mi.

Sunda hi suma a sunuzinid’a 9:42

Zla ndata b’rau woi kur ambas sa Joppe-d’a pet. Suma ablaud’a a he gagazid’a yam Salad’a.

Sunda hi suma a sunuzinid’a 9:35

Suma pet suma a nga kaka kur Lida ki yima papan ma Saron-na a wumu, a he gagazid’a yam Salad’a mi.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Sunda hi suma a sunuzinid’a 9:2

mi djobom ala mi hum mbaktumba yam gongîyo suma toka hi Juif suma Damas-sâ, kayam le mi fe suma ding suma a nga tit kur lovota hi Salad’id’a, le ni andjofâ d’oze aropma ni, mi yozï mi mbazi Jerusalem ki djinda.

Sunda hi suma a sunuzinid’a 8:12

Wani kid’a azi he gagazid’a yam Zla d’a Djivi d’a Filip mi tchat walat yam leud’a hAlona ki simiyê Jesus Christ-sa, andjofâ karopma, mi lazi batemba.

Sunda hi suma a sunuzinid’a 8:3

Wani Saul mi pleî suma toka woi ndjandjap. Mi nga mi kal kur azì ma lara ge pet, nga mi yo andjofâ karopma, nga mi tchuguzi dangeina.

Sunda hi suma a sunuzinid’a 6:7

Ni hina ba, zlad’a hAlonid’a ti b’rau woyo. Suma hata a nga zul kazi kua kua kur Jerusalem, suma ngat buzuna ablaud’a a he gagazid’a mi.

Sunda hi suma a sunuzinid’a 4:4

Wani ablaud’a aduk suma a hum zla ndatina, a he gagazid’a, ndum mazid’a suma ni d’igi dudubud’a vahl na.

Sunda hi suma a sunuzinid’a 2:41

Suma a ve zla mambina, a lazi batemba. Kur bur máma a fe suma kazi kua d’igi dudubud’a hindi na.

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

Nehemi 8:2

Esdras ma ngat buzuna mi hlad’ï mi mba ki sed’et avok suma toka, andjofâ karopma ki suma pet suma a ndak á hum zlad’ina, ni kur bur ma avo’â hi til mámina.

Esdras 10:1

Esdras mi grif kä avun gong nga kud’ora hAlonid’a, nga mi tchiya, nga mi tchena, nga mi däd’u tcho mazid’a woyo. Ata yi máma Israel-lâ ablaud’a, nala, andjofâ, aropma ki kemba, a tok gevemu, a tchi ki simina irazi dundulung.

2 Samuel 6:19

Bugola, David mi b’rau tena mablaud’a hi Israel-lâ pet; andjofâ karopma nge nge pî David mi hum avungô ma gureina ki hliu ma sora kades guguzlu d’a sod’a. Suma pet a b’rawa, nge nge pî mi i avo hatamu.

Buzuk ka Abud’a 35:22

Andjofâ karopma pet suma huruzi djivid’ina, a mba ki ngangam ma humba ki ma atchina ki ma abona ki ma kela kahle suma a lazi ki lorina pet, a hazi he d’a hawa d’a tak ka a tinit irat vata mi Ma didina.

Sunda hi suma a sunuzinid’a 11:24

Mam mi sama djivina. Muzuk ma bei tchod’a ba na ki he gagazid’a a nga oîd’a kurum mi. Suma ablaud’a a mbut suma hi Salad’ina.

2 Korente-na 6:15

Na ni Christ mi ndak á le darigïd’a ki Seitan zu? D’oze, sama he gagazid’a ki sama bei he gagazid’a a zlap darigïd’a tu zu?