Sunda hi suma a sunuzinid’a 3:22 - Bible azumeina

²² Moise mi dala: Ma didina Alo magina mba mi tchol ki mam ma djok vuna tu aduk b’oziyogina d’igi an na. Agi mba humugi ahlena pet suma mam mba mi dagizina.

Sunda hi suma a sunuzinid’a 3:22 Referans Kwoze

Sunda hi suma a sunuzinid’a 7:37

Ni Moise máma ba, mi de mi Israel-lâ ala: Alona mba mi tchol ki mam ma djok vuna tu aduk b’oziyogina d’igi an na.

Galat-na 4:4

Wani kid’a yina ndaka, Alona mi sunï Gorom ma atchad’a ti vud’um ad’u gata hi Juif-fîd’a,

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Vama ndum mbeina 1:1

Mbaktum mba wanda ti ta’î ahle suma Jesus Christ mi ndazi woina. Nahle suma Alona mi humzi mi tagazi woi mazungeî mam suma sunda vama ar go á mbad’ina. Nahle suma Christ mi sun malaika mama á tagazi woi mazong mama Jean-na.

Romê-na 9:5

Abraham azi ki Isak ki Jakob nabuyozi ngolo. Nad’u andjavazi ba, Christ mi ndeï kua d’igi sana na. Mam nAlo ma te yam ahlena petna, ni ma ndak á gilem gak didina. Amin!

Jean 12:46

An ni b’o d’a mba kur duniyad’id’a, kayam sama lara pî ma he gagazid’a kana, mba mi kak kur nduvunda d’i.

Romê-na 8:3

Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Wana ni Zla d’a Djivi d’a Luc mi b’irita 24:19

Mi dazi ala: Vama le ni me ge? A dum ala: Ahle suma a le ki Jesus ma Nazarat-na. Mam mi ma djok vun Alona ma ad’eng ma kur sunda ki zla d’a ded’a avok Alona avok suma pet mi na.

Wana ni Zla d’a Djivi d’a Luc mi b’irita 13:33

Wani an nga ni tit ini, avini ki fat ta siyad’a, kayam ma djok vun Alona ndak á mit ata yima ding ngi, mbeî mi mit ni kur Jerusalem.

Hebre-na 2:1

Kayam ndata, mbeî ei djib’erei ngola yam ahle suma ei humizina, ar ei walei woi dei ki sed’ezi d’i.

Matiye 21:11

Ablau suma a hulong dazi ala: Ni Jesus ma Nazarat ma djok vun Alona ma tcholï yam andaga d’a Galile-d’ina.