Sunda hi suma a sunuzinid’a 28:2 - Bible azumeina

² Suma kur til ndata a le kami ngola heî, a vami atazi pet, a tchugumi akud’a, kayam alona nga mi se, ab’lenga nga d’i le mi.

Sunda hi suma a sunuzinid’a 28:2 Referans Kwoze

Hebre-na 13:2

Ar agi maragi yam akoi ma led’a d’i. Ata le d’a hina d’a, suma dingâ a ve malaikana atazi bei a wazi ala a ni malaikana ba.

Kolos-sâ 3:11

Kayam ndata, Juif-fâ kandjaf suma dingâ a nga d’i, ma ngat bayâd’a ki ma bei ngat bayâd’a nga d’i, sama abageina ki sama avona nga d’i, magoma ki gor vuta nga d’uo mi, wani Christ ni ma nga kazi pet kuruzi petna mi.

Romê-na 1:14

Balâ hi suma wed’a ki balâ hi suma bei wed’ina ki balâ hi suma ned’a ki balâ suma bei ned’ina, mi nga kanu.

2 Korente-na 11:27

An le sunda ngola ki ndaka. An ba bei bur sena yan ablaud’a, meid’a tchanu, vunan so mi. Yan ablaud’a an fe nga vama te d’i. Ab’lenga lanu, an fe nga baru d’a tchuka atan ndi.

Sunda hi suma a sunuzinid’a 28:4

Kid’a suma kur tila a we guguid’a d’uta del abomba, a de tazi ala: Gagazi, sa máma ni sama tchi matna. Mi sut wa woi kur aluma, hina pî, d’ingêra hAlonid’a aram nga á suta d’i.

1 Korente-na 14:11

Wani le an we nga vun ma sana nga mi dandjina d’uo ni, mam mbut ni d’igi sama dingâ na iranu, an mbut ni d’igi sama dingâ na iram mi.

Matiye 10:42

Sama lara pî ma he mbiyo ma b’lengâ kur kopma mi ma gor ma aduk man suma hatina kayambala mam ni man ma hata d’a ni, gagazi, an nga ni dagiya, Alona mba mi wuragamu.

Sunda hi suma a sunuzinid’a 27:3

Tcha ndjivinda ami mbami sä Sidon. Juliyus mi le Paul djivid’a, mi aram mi i gen buniyôma ala azi ndjunumu.

Sunda hi suma hi Levi-nid’a 19:34

Agi vagi angei ma nga kaka adigagina atagi d’igi gor vuta na, agi lagi kam d’igi agi tagid’a na, kayam agi tagid’a kagagï angoyogeina yam ambas sa Ezipte-d’a mi. An ni Ma didina Alo magina.

Romê-na 2:27

Wani sama bei ngat bayâd’a, le mi ge yam kä ad’u gata ni, mba mi ka sariyad’a kang ang ma ngat bayâd’a ma ge nga yang kä ad’u gat ta nga b’ir ra kur mbaktumbid’a d’uo na.

Jean 18:18

Kayam ni yima ab’lenga, azungeîna ki suma a ngom yina a ve nga akud’a kä ki kiwilâ, a nga hol taziya. Pierre mi nga tchola ki sed’ezi á hol tam mi.

Esdras 10:9

Andjof suma Juda-na ki suma Benjamin-na pet a tok avo Jerusalem ni kur bur ma hindina. Ni bur ma dok mbàna hi til ma zlengîna. Suma pet a tchol ata yima avun gong nga kud’ora hAlonid’ina, a nga zlak abo zla ndata, abo alo ma nga mi sena mi.

Sunda hi suma hi Levi-nid’a 19:18

Ang hlatchugul li, ang ve sum mangâ grozina kurung ngi, ang le yam ndrangâ d’igi ang tanga na, kayam an ni Ma didina.

Sunda hi suma a sunuzinid’a 28:3

Ata yima Paul mi tok aguna mi tchugum aduk akud’ina, mageid’a buzuk kei abo huwaka, ti d’ut del abomu.

Romê-na 14:1

Ar agi vagi sama amangeî ma kur he gagazid’ina atagiya, wani ar agi kagi sariyad’a kam yam djib’er mamba d’i.

Romê-na 14:3

Ar sama nga mi tahlena petna, mi gol sama nga mi tahlena pet tuo na is si. Ar sama nga mi tahlena pet tuo na, mi ka sariyad’a yam sama nga mi tahlena petna d’uo mi, kayam Alona mi vum wa atamu.