Sunda hi suma a sunuzinid’a 28:16 - Bible azumeina

¹⁶ Kid’a ami mbami sa Rom-mba, suma te yamba a ar Paul á kak vam tu ki azigar ma ngomoma.

Sunda hi suma a sunuzinid’a 28:16 Referans Kwoze

Sunda hi suma a sunuzinid’a 27:3

Tcha ndjivinda ami mbami sä Sidon. Juliyus mi le Paul djivid’a, mi aram mi i gen buniyôma ala azi ndjunumu.

Sunda hi suma a sunuzinid’a 24:23

Mi he vuna mi ma ngol ma azigarâ abom kisâ á ngom Paul kur dangeina, wani mi aram mi tid’a, mi d’el buniyôm suma a mba á ndjunuma d’uo mi.

Vama ndum mbeina 17:18

Atcha d’a ang wata, nazì ma ngol ma nga mi te yam amulei suma nglo suma yam andagad’ina.

Vama ndum mbeina 17:9

Wana ni wad’ud’a hi sama d’alâ: Yam mba kid’iziyad’a nahuniyô suma kid’iziya suma atchad’a ti nga kaka kuana.

Sunda hi suma a sunuzinid’a 27:43

Wani ma ngol ma azigarâ abom kisâ mi min á sut Paul, mi d’elezi yam nga hur mazina. Mi he vuna mi suma we nusina ala a tchuk tazi kä avok aduk mbina, a i ata yima sod’a.

Sunda hi suma a sunuzinid’a 27:31

Wani Paul mi de mi azigar ma ngolâ ki azigar mama ala: Le suma wana a nga kur batod’a d’uo ni, agi ndak á sud’ugi d’uo mi.

Sunda hi suma a sunuzinid’a 23:11

Kur andjege ndata, Salad’a mi nde tam mbei ir Paul, mi dum ala: Ang ve tangû, kayam d’igi ang le glangâs mana ka hî avo Jerusalem na, mbeî ang mba le glangâsâ avo Rom mi.

Sunda hi suma a sunuzinid’a 19:21

Bugol ahle ndazina, Paul mi djib’er kurum ala mba mi kal yam andaga d’a Maseduwan-nda ki d’a Akai-d’a á i Jerusalem. Mi dala: Le an mbaza hî ni, le ni nana pî, an mba ni we Rom mi.

Sunda hi suma a sunuzinid’a 18:2

Mi fe ma Juif-fâ, simiyêm ala Akila, ambas mamba ni Pong. Azi kamamba Prisil a tcholï Itali, a mba Korente kur bur máma, kayam ma te yamba Klaut mi he vuna ala Juif suma kur Rom-ma pet a buzuk keyo. Paul mi i geveziya.

Sunda hi suma a sunuzinid’a 2:10

suma Frizi-na, suma Pamfili-na, suma Ezipte-na, suma yam andaga d’a Libi-d’ina, suma go ki Siren-na ki suma tcholï Rom-ma mi,

Jeremi 40:2

Ma ngolâ hi suma a ngom yinina mi ve Jeremi mi dum ala: Ma didina Alo mangâ mi de zla ndak ka wanda yam azì ma wana navok dei.

2 Amuleina 25:8

Kur biza d’a dogo yam zlengâ d’a Nebukanezar amul ma Babilon-na nga mi tamulid’a, kur til ma vahlâ kur bur ma kid’iziyana hi til mámina, Nebuzaradan ma ngolâ hi suma a ngom yina ma kur sunda hamul ma Babilon-nina, mi mba mi kal avo Jerusalem.

Ad’u Tinda 37:36

Wani suma Madiyan-na a gus Josef fei Ezipte abo Potifar azong ma ngolâ hi Faron-na, ni ma ngolâ hi azigar suma a nga ngom amulîna mi.

Jeremi 38:13

A tanï Jeremi akulo woi ki ziyona, a ndumï woi kur golonga. Jeremi mi ar kaka kur gulumuna hi suma a ngom yinina.