Sunda hi suma a sunuzinid’a 26:8 - Bible azumeina

⁸ Ni kayam me ba, agi Juif-fâ, agi hagi gagazid’a ala Alona mi ndak á tchol suma matna akulo d’uo ge?

Sunda hi suma a sunuzinid’a 26:8 Referans Kwoze

Sunda hi suma a sunuzinid’a 4:2

Huruzi zal ata suma a sunuzi suma mbà ndazina, kayam a nga hat suma yam tchola hi Jesus-d’a akulo aduk suma matnid’a, a nga tak kei ala suma pet a mba tchol akulo aduk suma matna mi.

Filip-ma 3:21

Mam mba mi mbud’i hliwi ma amangeî ma ad’u ad’enga hi matnina, mba mi mbud’i hliwi d’igi hliwim ma subura na kad’eng mam mba ndak á hulong ahlena pet yazi kä ad’umba.

Wana ni Zla d’a Djivi d’a Luc mi b’irita 18:27

Wani Jesus mi dazi ala: Vama suma a ndak á lum mbuo na, Alona mi ndak á lumu.

Sunda hi suma a sunuzinid’a 25:19

Wani tuguyo mazi d’a ki sed’emba ni yam hat mazid’a, ni yam sama simiyêm ala Jesus ma mit Paul nga mi de kam ala mi nga karid’a na.

Sunda hi suma a sunuzinid’a 23:6

Wani kid’a Paul mi we suma b’ak zlad’a suma dingâ ni Sadusiyêna, suma dingâ ni Fariziyênid’a, mi de ki delem akulo aduk suma b’ak sariyad’a ala: B’oziyona, an ni ma Fariziyêna, gor vuta hi Fariziyênid’a mi. Ni kayam zla d’a tin hurâ ki tchola hi suma matnid’a ba, a yan ini ata yima ka sariyad’a wana.

Ad’u Tinda 18:14

Na ni vama hle Ma didina abod’ina nga zu? An hulongî avo hatang dama hina dedege wani, Sara nga ki gorâ abod’u.

Wana ni Zla d’a Djivi d’a Luc mi b’irita 1:37

Kayam vama hle Alona abod’ina nga d’i.

1 Korente-na 15:34

Ar agi zlid’igi akulo, ar agi tid’igi d’ingêr, ar agi lagi tchod’a d’i, kayam suma dingâ adigagi a we nga Alona d’i. An de hina ná mbud’ugi zulona.