Biblia Todo Logo
Bib sou entènèt

- Piblisite -




Sunda hi suma a sunuzinid’a 24:25 - Bible azumeina

25 Wani kid’a Paul mi dum zla d’a yam tit ta d’ingêrid’a, yam ve ta d’a yam hliu tad’id’a, yam sariya d’a nga d’i mbad’a mi d’a, Felix mi le mandarâ ngola. Mi hulong dum ala: Ki tchetchemba, ang iya; fata an fe wa lovota ni, an mba ni yangî tua.

Gade chapit la Kopi




Sunda hi suma a sunuzinid’a 24:25
99 Referans Kwoze  

Fata mi mbad’a, mba mi mal suma kur duniyad’ina irazi woi yam tcho mazid’a, yam d’ingêra, yam sariyad’a hAlonid’a mi.


wani agi hugi Christ ngola kurugi ala mam mi Salagina. Agi minigi tagi teteu á hulongôgi zla d’a ded’a mi suma a nga djobogi yam vama agi tinigi hurugi kama,


agi d’elegi tagi yam d’od’ok ka tchod’a, agi vagi tagi á tit balum asem Alona bei tad’a tchuk lus ba,


lulumad’a ki d’el tad’a. Gat ta kak djangûna kahle ndazinid’a nga d’i.


Mi hami vuna ala ami tchami wala mi suma, ami dami woi kam ala mam mi ma Alona manam á ka sariyad’a yam suma arina ki suma matnina.


Grona, ar sa vid’igi woi d’i. Sama nga mi le d’ingêrina ni d’ingêr d’igi Jesus Christ tamba ni ma d’ingêr na mi.


Ang he gagazid’a ala Alona ni tu nata yad’u. Muzuk ma tchona pî mi he gagazid’a hina mi, nga mi zlak ki mandarâ mi.


Alona mi dala sama lara pî mi mit yam tu, bugol mi kam sariyad’a kamu.


Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.


Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.


Wani mbaktumba hAlonid’a ti dala suma kur duniyad’ina pet a nga ni kä ad’u ad’enga hi tchod’id’a. Hina wani, suma a he gagazid’ina a fe he d’a hawa d’a Alona mi hle vunam kata ni yam he gagazi mazi d’a yam Jesus Christ-sa.


Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.


Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.


An nga ni tcheneng avok Alona, avok Jesus Christ ma mba mi ka sariyad’a yam suma arina yam suma matna ata yima mam mba mba á te leu mambina.


Kayam Alona mi de kur mbaktum mamba ala: Ata yima suma manda nde woina, an humungû; kur bur ma suta an ndjunung mi. Gola! Ki tchetchemba, ni yima ir Alona djivid’ina; ini ni bur ma sana ndak á fe sutina.


Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.


An tin hurun yam Alona d’igi azi tazid’a a tin huruzi na á djup tchol la akulod’a hi suma d’ingêrâ ki suma bei d’ingêrâ aduk suma matnid’a.


Kid’a azi hum zla d’a de d’a yam tchola hi suma matnid’a, suma dingâ a lazamu. Wani suma dingâ a dum ala: Ami min hum zla ndata avunang kua.


Paul mi kal gevezi d’igi mam nga mi ladjeu dei na. Mi le bur ma sabatna hindi, nga mi tchi tuguyod’a ki sed’ezi kur mbaktumba hAlonid’a.


Kid’a azi hum zla ndatid’a, zlad’a vaziya, a de mi Pierre azi ki suma hiu suma a sunuzina ala: B’oziyomina, ami lami ni nana ge?


yam hat ta yam batem mba tetenga kabo ma tin ma yam sanina, yam tchol la akulo aduk suma matnid’a ki sariya d’a didinda d’uo d’a.


Ma didin ma ad’engêm kal petna mi dala: Suma a nga dala: Yima min gong nga kud’ora hi Ma didinid’ina mi mba nga d’uo tua.


An hum hina, wani vunadigan ndi pad’a. Kid’a an hum siwel ndatid’a, vunan nde zlaka, tan ndi tchuk susub’ok, asen mi nde zlaka kikib’i mi. An ni kak tchugot á djup bur ma ndak ma ang Alona mba ka sariyad’a yam suma a mba mba á lami tchod’ina.


Akulumeina a ndak á djang akulo yam ahinad’a zu? Suma a ndak á zum akulo yam ahinad’a kamuzleina zu? Ni kayam me ba, agi mbud’ugi zla d’a irata d’igi kuma ma tchi matna na, agi mbud’ugi d’ingêra d’igi vama aglarâ na mi ge?


Wani agi aragi sariya d’a d’ingêra ti djang d’igi mbina na, agi aragi d’ingêra ti djang d’igi toliyon nda bei sod’a ba d’a na mi.


Agi zaragi d’engzenga, agi mba dud’ugi djivid’a, agi zumugi asine ma awilina mi. Yina mba wa tala agi hulongôgï gen an Ma didina gak an vogi suta kagi d’igi mbina na d’a.


A nga de zla d’a hawa yaka, a nga gun tazi gun nda ka zlad’a, a nga djin vunaziya, wani sariyad’a mba d’i zul kazi d’igi asu ma tchona mi zul hur asinena na.


Kur bur ma vun tilâ hamul mazinina, suma nglo suma avok suma a nga mbut tugud’eid’a abo süm guguzlud’a, amulâ nga mi ve suma las suma abozi akulo mi.


Ablau suma a nga bona a mba zlit akulo. Suma dingâ a mba kak karid’a gak didin, suma dingâ a mba kak kur zulona kur gol la isa gak didin mi.


Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!


Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!


Zla manda ni d’igi akud’a na, ti ni d’igi marto d’a ad’eng nga ti to ahinad’a woid’a na mi d’uo zu? An Ma didina ni de na!


Kayam an Ma didina ni min ni sariya d’a ka d’a d’ingêra, wani an noî hurumba ki sun nda tchod’a woyo. Gagazi, an mba ni wuragazi ngad’a yam sun mazi d’a azi lata, an mba ni djin vunan ki sed’ezi djin nda didinda.


Agi halagi Ma didina kid’a mi nga tua d’a; agi yum kid’a mi nga go ki sed’egi tua d’a.


Ma didina mi de malo ma ka zlad’a ala: Agi mbeï dagi ad’u zla magid’a woyo. An amulâ hi Jakob-ma ni dala: Agi dagi zlad’a á pad’agi zlad’a kagi woyo.


Agi arop suma nga kaka en na, agi lagi mandarâ! Agi arop suma nga kaka halasâ, agi zlagagiya! Agi fogogi baruna woi atagiya, aragi gandilad’a, agi djinigi d’i’â furugi mi.


ata yi máma, yam djivi magid’a a mba tin zlam mba amul la ad’enga aduk andjafâ hi David-na. Ma dingâ tu mba mi kak kad’u, mba mi he tam á ka sariyad’a ki d’ingêra, tam mba d’i lum djivid’a yam sun nda irata mi.


Ang azì ma amul ma d’engzengâ, ni nana ba, ang mbut d’igi atcha d’a gaulangâ na ge? Angî ma a nga ka sariya d’a d’ingêra kurung adjeuna, angî ma a nga le sun nda irata kurung adjeuna mi. Wani ki tchetchemba, suma tchi matna a nga kaka kurungî aziya.


Azi le mandara ngola abo vama azi wuma, gak Moise pî mi dala: An nga ni le mandarâ, ni zlak mi.


Ni hina ba, nge nge pî adigei mba mi mba ki zla mamba avok Alona.


B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.


Ni hina ba, bur tu Alona mba mi ka sariyad’a yam ahlena pet suma a nga ngeid’a kur sumina kayam Jesus Christ yam Zla man nda Djivi d’a an nga ni tchat walata.


Agripa mi de mi Paul ala: Ang ar go á mbud’un kretiyêna!


Wani kid’a Juif suma Tasaloni’â a hum ala Paul nga mi tchi wal zlad’a hAlonid’a mi suma Bere-na mi d’a, a mbaza kua, a nga zut ablau suma ala a tchol ki huneîd’a.


Wani ang tchol akulo, ang i kur azì ma ngolâ. A mba dang vama ang mba luma.


Wani azi golom ta, a tchuk tazi, a iya. Ma dingâ mi i kur asinemu, ma hina mi i mbut abomu.


Kur andjege ndata, a tchi Baltazar amul ma Babilon-na woyo.


Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.


Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.


Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.


Gorona, vama arâ, ang hum hat ta yam ahle ndazinid’a. Le a le ni mbaktumba ablaud’a pî, ti nga d’i dap pi; hat ta ngola ni kaud’a yam hliu tad’a.


Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.


Sun nda asa’ata ni vama ndjendjed’a yam amuleina. Ni yam d’ingêra ba, zlam mba amula nga d’i sira ad’enga.


Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.


Ma didina nga mi tamula, ar suma a zlaga! Mi nga kaka aduk tcherebêna, ar andagad’a ti giged’a!


Ar mi ka sariyad’a yam sum mangâ ki d’ingêra, yam mang suma hohoud’a ki gagazid’a mi.


Alona, zlam mang nga amula ni d’a gak didinda. Ang nga te leu manga ni ki d’ingêra.


Ma didina ni ma d’ingêrâ, mi min ni sun nda d’ingêra mi; suma d’ingêrâ a mba wum iram mi.


D’ingêra ti ni baru man ma tchuka, sariya man nda ka d’a d’ingêra ni baru man nda ngola ki djum manda mi.


Andjof suma Juda-na ki suma Benjamin-na pet a tok avo Jerusalem ni kur bur ma hindina. Ni bur ma dok mbàna hi til ma zlengîna. Suma pet a tchol ata yima avun gong nga kud’ora hAlonid’ina, a nga zlak abo zla ndata, abo alo ma nga mi sena mi.


Ei i djini vunei kAlo meina á dik arop ndazina ki grozina d’igi ang salana ki suma pet suma a nga le mandara gata hAlo meinid’ina a de na, ar ei lei d’igi gata ti de na mi.


Ang hum wa zla d’a an dat yam azì ma Jerusalem-ma ki suma a nga kaka kuruma woi tetet. An dala: Azi mba mbut ni vama b’laka, a mbut ni vama ge vuna mi d’a. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî, ni humungû. An Ma didina ni de na.


Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.


Alona hi Israel-lîna mi de, ahinad’a hi Israel-lîd’a ti dan ala: Sama nga mi te yamba aduk suma ki d’ingêrina, nga mi te yamba kur mandarâ hAlonina,


Ki tchetchemba, agi tchologi hina djang avok Ma didina; an nga ni vagi ad’ud’a yam sun nda d’ingêr ra pet ta Ma didina mi lat ki agi kabuyogi ngolod’a.


Mi tin hurum ala Paul mba mi hum beged’a mi kla. Ni kayam ndata ba, nga mi yum yam dodogo á yo siretna ki sed’emu.


Kid’a azi hum zla ndata peta, a nde gol ir tazi ki mandarâ, a de mi Baruk ala: Ami i dami zla ndata mamulâ pet.


Wani ni ma lakoina, ni sama le yam ahle suma djivinina, ni ma iram si’â, ni ma d’ingêrâ, ni ma mi tin iram vam mAlonina, ni ma ve tama.


Swiv nou:

Piblisite


Piblisite