Sunda hi suma a sunuzinid’a 23:3 - Bible azumeina

³ Kayam ndata, Paul mi dum ala: Alona mba mi tumungû, ang ma d’igi gulumun ma a gulud’um hapina na na. Ang kak á kan sariyad’a ata minda hi gatid’a, wani ni kayam me ba, ang tchila kat ang he vuna á tonu ge?

Sunda hi suma a sunuzinid’a 23:3 Referans Kwoze

Jean 7:51

Gat meid’a ka sariyad’a yam sana adjeu bei humum zla mamba bei we vama mi luma mi zu?

Amos 5:7

Agi ni suma mbud’ugi zla d’a irata yat kä na, agi ni suma mired’egi d’ingêra kä andagana.

Ma tchi wala 3:16

Wana ni vama an wum yam andagad’a ka hina: Asa’ata ti vrak balum sariya d’a ka d’a irata, asa’ata ti vrak balum d’ingêra mi.

Sawal la giled’a 94:20

Suma ka sariya suma tcho suma a tin gat ta ata yat tuo d’ina, a nga zlap tu ki sed’eng á ka sariyad’a zu?

Sunda hi suma hi Levi-nid’a 19:35

Ar agi lagi ira kur sariya d’a kad’a d’oze kur yima nga ahlena d’oze aneka ngad’a hi va d’oze kur ahle suma a ngazi ki lidirîna d’i.

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Jean 18:24

Ata yi máma, Anne mi sunum ki djinda mi Kayif ma ngol ma ngat buzuna.

1 Amuleina 22:24

Ata yi máma na wat, Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

Sunda hi suma a sunuzinid’a 23:4

Suma a nga tchola kuana a dum ala: Ang ngul ma ngol ma ngat buzuna mAlonina!