Sunda hi suma a sunuzinid’a 21:28 - Bible azumeina

²⁸ A er ad’uzi akulo ala: Agi Israel-lâ, agi mbeï ndjunumiya. Wana ni sama nga mi tchi wala ata yina pet ala suma a noî Israel-lâ ki gata hi Moise-sa ki gong nga kud’ora hAlona d’a wanda woi mi na. Wani ki tchetchemba, mi mbeï wa kandjaf suma dingâ kur gong nga kud’ora hAlonid’a á mbut yi mei ma a tinim iram vama ndjendjed’a.

Sunda hi suma a sunuzinid’a 21:28 Referans Kwoze

Sunda hi suma a sunuzinid’a 21:21

Azi hum zla manga ala ang nga hat Juif suma a nga kaka aduk andjaf suma dingâ ala a ar gata hi Moise-sa woyo, a ngat grozina bayâd’a d’uo, a ngom zlad’a hi simiyêzid’a d’uo mi.

Sunda hi suma a sunuzinid’a 24:18

Wani Juif-fâ a a mba a fan kur gong nga kud’ora hAlonid’a ata yima an nga mbut tan yed’etna, a fan nga ki suma ablaud’a d’uo mi na, a fan nga ni kur huneî d’uo mi.

Matiye 24:15

Jesus mi had’azi kua ala: Kayam ndata, fata agi mba wagi Vama ndjendje ma b’lak kei ma Daniel ma djok vun Alona mi de kama, mi nga tchola ata yima a tinim iram vam ma kal teglesîd’a, ar sama ndumba mi wäd’u zla ndata djiviya.

Hor ma tchina 1:10

Ma kus katna mi mat abom mi yo ahle suma djivi suma kal tegles suma ndat nga ki na pet. Ti we andjaf suma ang d’elezi á kal aduk tok mangina, a kal kur gong mat ta a tinit irat vata mi.