Sunda hi suma a sunuzinid’a 21:20 - Bible azumeina

²⁰ Kid’a azi hum zla mamba dad’a, a gile Alona, a dum ala: Wiyemina, ang we Juif-fâ ni dudubu suma a he gagazid’ina, azi pet tazi nga d’i lazi zlezleû yam gata hi Moise-sa.

Sunda hi suma a sunuzinid’a 21:20 Referans Kwoze

Romê-na 10:2

Kayam an nga ni le glangâsâ kazi ala tazi nga d’i lazi zlezleû yam Alona, wani azi nga le kamî bei wad’ud’a.

Galat-na 1:14

Kur zlad’a hi Juif-fîd’a, adjeu an kal b’oziyon Juif suma bizazi ki an tuna ablaud’a, kayam tan nga d’i lan zlezleû á ngom zlad’a habuyomi ngolod’a.

Sunda hi suma a sunuzinid’a 22:3

An ni ma Juif-fâ, a vud’un ni kur Tarsis sa Silisi-d’a. Wani a wulun ni ka hî kur Jerusalem. Gamaliyel ni ma had’an ad’u gata habuyoi ngolo d’a d’ingêra. Tan nga d’i lan zlezleû yam Alona d’igi agi tagi nga d’i lagi zlezleû ini na mi.

Sunda hi suma a sunuzinid’a 15:1

Suma dingâ a tcholï Jude, a mba Antiyos, a hat b’oziyoina ala: Le agi ngad’agi nga bayâd’a d’igi gata hi Moise-sa he vuna na d’uo ni, agi ndak á fagi suta d’i.

Sunda hi suma a sunuzinid’a 11:18

Ata yima azi hum hina na, a seng silil, a gile Alona, a dala: Gagazi, Alona mi he wa lovota mandjaf suma dingâ á mbut huruzi á fe arid’a mi.

Sunda hi suma a sunuzinid’a 15:5

Wani suma hiu suma a nga kur hata hi Fariziyê suma a he gagazid’ina, a tchol a dala: Djivid’a a ngat andjaf suma ding suma a he gagazid’ina bayâd’a, a hazi vuna á ngom gata hi Moise-sa mi.

2 Tasaloni’â 1:10

Kur bur máma suma hAlonina a mba suburumu, suma he gagazid’ina pet a mba humu. Agi nga adigazi mi, kayam agi hagi gagazid’a yam glangâs ma ami lagizina.

Sunda hi suma a sunuzinid’a 15:24

Ami humumi zlad’a hi suma ding suma a tchol ka hî adigami a iza a hlagi djib’er magid’a akulo ki zla mazi d’a ded’ina. Ami hazi nga vuna ni ami d’i.

Sunda hi suma a sunuzinid’a 6:7

Ni hina ba, zlad’a hAlonid’a ti b’rau woyo. Suma hata a nga zul kazi kua kua kur Jerusalem, suma ngat buzuna ablaud’a a he gagazid’a mi.

Sunda hi suma a sunuzinid’a 4:21

Azi ngobozi kua, a araziya, kayam a fe nga lovota á lazi va d’i, kayam suma pet a nga gile Alona yam vama lena,

Sunda hi suma a sunuzinid’a 4:4

Wani ablaud’a aduk suma a hum zla ndatina, a he gagazid’a, ndum mazid’a suma ni d’igi dudubud’a vahl na.

Sunda hi suma a sunuzinid’a 2:41

Suma a ve zla mambina, a lazi batemba. Kur bur máma a fe suma kazi kua d’igi dudubud’a hindi na.

Jean 12:24

Gagazi, an nga ni dagiya, le ir awuna nde kä, le mi mit tuo ni, mba mi arî ki tumba. Le mi mid’a ni, mba mi le irâ ablaud’a.

Wana ni Zla d’a Djivi d’a Luc mi b’irita 15:32

Wani djivid’a ei lei furîd’a, ei kagei ki furîd’a, kayam wiyeng ma d’igi mit tei na na, mi zlit wa; mi vit teyo, an fum wa da’.

Wana ni Zla d’a Djivi d’a Luc mi b’irita 12:1

Kur bur máma suma dudubu a tok gen Jesus, a nga miret taziya. Mi tin ad’ud’a de zlad’a avok mi mam suma hata ala: Agi gologi tagi djivi kangufa hi Fariziyênid’a, nala, lop ir mazid’a.

Sawal la giled’a 22:27

Suma lulumana a mba të, a mba hoba; suma a nga hal Ma didinina a mba gilemu; ar va lazi d’i.

Sawal la giled’a 22:23

An mba ni dang zlang ngei aduk b’oziyona, an mba ni gileng aduk ablaud’a hi sumid’a.

Galat-na 1:24

Azi subur Alona ngola yam zla manda.

Matiye 9:8

Ata yima ablau suma a wahle ndazina hina na, a le mandarâ, a subur Alo ma had’eng nga hina d’a mi sumina.