Sunda hi suma a sunuzinid’a 20:19 - Bible azumeina

¹⁹ Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

Sunda hi suma a sunuzinid’a 20:19 Referans Kwoze

Kolos-sâ 3:24

Kayam agi wagi ala mam mba mi wuragagi kahle suma mam nga mi ngomozi yam sum mamina, kayam Salagi ma gagazi ma agi nga lum sundina ni Christ.

2 Korente-na 2:4

Kayam an b’irigi mbaktum ndata ni kur ndaka ki hur ma hata ki simina iran ná zalagi hurugi d’i, wani kayam agi wagi ala an nga ni le kagi heî.

Romê-na 12:11

Ar agi lagi azulomba kur sun nda led’a d’i. Ar agi lagi sunda mi Salad’a ni ki zlezleûd’a.

Sunda hi suma a sunuzinid’a 20:3

Bugola, mi i yam ambas sa Gres-sa, mi kak sä kua tilâ hindi. Kid’a mi min á djak kur batod’a á i Siri-d’a, Juif-fâ a ndjak vunazi á vumu. Kayam ndata, mi nga hurum á hulong ki lovot ta Maseduwan-nda.

2 Korente-na 7:5

Wani kid’a ami mbami yam ambas sa Maseduwan-nda, ami fami nga yima tuk tamina d’i, kayam ami fami ndaka ata yima lara ge pet. Ami nga durumi woi abu ki suma pet, wani kurumi krovo ni mandarâ.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jacques 1:2

B’oziyona, kuk ka lara ge pet ta nga d’i kugugid’a, agi golot ni d’igi vama furîd’a na,

Filip-ma 3:18

Kayam suma dingâ ablaud’a a nga tid’a, ni suma an nga ni dagi zla mazid’a teteuna. Ki tchetchemba, an nga ni dagi kua ki simina iranu: Sum ndazina ni suma a kak djangûna ki matna hi Christ ma mi mit ata agu ma b’alina.

Efes-sâ 6:7

Ar agi lagi sun magomba ki hur ma djivina d’igi agi nga lat mi Salad’a na, nga ni mi suma hol li.

Galat-na 1:10

Na ni ki tchetchemba, an hal lovota á le suma tazi djivid’a d’oze á le Alona tam djivid’a zu? Na ni an hal lovota á le suma tazi djivid’a zu? Le an nga ni le suma tazi djivid’a tua ni, an nazongâ hi Christ-sâ d’i.

2 Korente-na 3:5

Ami ndak á lami va yam tami d’i, wani ad’eng mamid’a ti tcholï nata Alona.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

2 Pierre 1:1

Ni an Simon Pierre, azong ma a sunuma hi Jesus Christ-sâ. An nga ni b’ir mbaktum mba wanda mi agi suma a fagi he gagazi d’a guzut kal tegles d’igi ami na na, yam d’ingêra hi Jesus Christ Alo mei ma sud’ina.

1 Pierre 1:6

Agi lagi furîd’a yam zla ndata hina pî, ki tchetchemba, agi mba yorogi tagi kur kuk ka teteng nga mba d’i kugugi ndjöd’a.

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

Romê-na 1:9

Alo ma an nga ni lum sunda ki hurun petna, mi wala an de ni zla d’a gagazid’a ata yima an nga ni tchi wal Zla d’a Djivid’a yam Goromina. Mi wala an nga ni djib’er kagi kur tchen manda teteu mi.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Sunda hi suma a sunuzinid’a 27:23

Kayam kama andjege, malaikana hAlo man ma an nga ni lum sundina, mi tchol gevenu,

Sunda hi suma a sunuzinid’a 17:13

Wani kid’a Juif suma Tasaloni’â a hum ala Paul nga mi tchi wal zlad’a hAlonid’a mi suma Bere-na mi d’a, a mbaza kua, a nga zut ablau suma ala a tchol ki huneîd’a.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Sawal la giled’a 119:136

Iran nga d’i djang simina d’igi mbina na, kayam suma a nga ngom gat manga d’i.

Vama ndum mbeina 7:15

Kayam ndata, azi nga tchola avok zlam mba amula hAlonid’a, a nga le sunda mAlona andjege ki falei kur gong mamba. Mam ma nga kaka yam zlam mba amulina mba mi tin iram kaziya, mba mi ngomozi mi.

2 Timote 1:4

An nga ni djib’er yam tchi mangâ, tan nga d’i lan zlezleû á wangû, tala an mba ni le furîd’a ngola d’a.

Sunda hi suma a sunuzinid’a 17:5

Wani Juif-fâ a nde le yungôra. A tok suma ding suma azi fazi ir palumba hawa ya’â, a tok ablau suma, a tchol ki yalâ gandjau kur azì ma ngolâ. A ngui azina hi Jason-na, azi nga hal Paul azi ki Silas á mba ki sed’ezi abu avok suma.

Sunda hi suma a sunuzinid’a 21:27

Kid’a bur ma kid’iziyana ar go á dapid’a, Juif suma Asi-na a we Paul kur gong nga kud’ora hAlonid’a. Azi zut ablau suma akulo ala a vumu.