Sunda hi suma a sunuzinid’a 2:45 - Bible azumeina

⁴⁵ Azi gus ahle suma avo hatazina woi beged’a, a b’rawat aduk tazi pet. Nge nge pî mi fe ndak yam min mamba.

Sunda hi suma a sunuzinid’a 2:45 Referans Kwoze

1 Jean 3:17

Le sana nga kahle suma kur duniyad’ina abomu, le mi we wiyema nga kur kid’aka ba, mi duk iram mbei kamu ni, ni nana ba, mi dala mam nga mi le od’a yam Alona ge?

Sunda hi suma a sunuzinid’a 4:34

Wani sama adigazi ma kid’ak va nga d’i. Azi pet ni suma a nga kasinena kazinina, a guzuzi woyo, a mba ki beged’a hahle suma azi guzuzi woina pet,

Wana ni Zla d’a Djivi d’a Luc mi b’irita 18:22

Kid’a Jesus mi hum zla ndatid’a, mi dum ala: Ang kid’ak va tu. Ang gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï tit ad’unu.

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

2 Korente-na 9:9

D’igi mbaktumba hAlonid’a ti de na ala: Sama djivina mi b’rau ahligiyem mi suma houd’a; djivi mam mba led’a nga d’i dap puo mi.

Sunda hi suma a sunuzinid’a 11:29

Suma hata a nga huruzi ala nge nge pî mi he vama ndak yam ad’eng mamba, a sun ahle suma ndjunda mi b’oziyod’a suma avo Jude-na mi.

Matiye 19:21

Jesus mi hulong dum ala: Le ang min ndak memed’u ni, ang i gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï ad’unu.

Wana ni Zla d’a Djivi d’a Luc mi b’irita 19:8

Zake mi tchol akulo avok Salad’a, mi dum ala: Salana, gola! An nga ni wal ahle mana ki suma hohoud’a. Le an te va abo sa hawa ni, an hulong hum kam kua yan fid’i.

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Wana ni Zla d’a Djivi d’a Luc mi b’irita 16:9

An nga ni dagiya, vagi banad’a ki ndjondjoî magid’a kur duniyad’a. Ata yima ti dapma, a mba vagi atazi kur azì ma didina.

2 Korente-na 9:1

Kayam zla he d’a hawa d’a á ndjun suma hAlona suma Jude-nid’a, nga djivid’a an b’irigi mbaktumba kat ti,

Sunda hi suma a sunuzinid’a 4:35

a tinit kä avok suma a sunuzina; suma a b’rau mi nge nge pî ndak yam kid’ak mamba.