Sunda hi suma a sunuzinid’a 2:4 - Bible azumeina

⁴ Azi pet a oî ki Muzuk ma bei tchod’a ba na, a nde de zlad’a ki vuna hi sumina teteng d’igi Muzu’â mi hazizi á ded’a na.

Sunda hi suma a sunuzinid’a 2:4 Referans Kwoze

Marik 16:17

Wana nahle suma atchap suma suma he gagazid’a kana a mba lazina: Azi mba dik muzuk ma tchona woi kur suma, a mba de zlad’a ki vuna hi suma teteng mi.

Sunda hi suma a sunuzinid’a 13:52

Suma hat suma Antiyos-sâ a le furîd’a ngola, a oî ki Muzuk ma bei tchod’a ba na mi.

Sunda hi suma a sunuzinid’a 4:31

Kid’a azi tchen Alonid’a, yima azi nga tok kuana mi yir gigidji, azi pet a oî ki Muzuk ma bei tchod’a ba na, a nga de zlad’a hAlonid’a ki hur ma ade’esâ.

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

1 Korente-na 12:10

Muzu’â nga mi he mi sama dingâ á lahle suma atchapma, ma dingâ á djok vun Alona, ma dingâ á wal ir muzuk ma teteng ma ka zlad’a ki ma gagazina. Mi he mi sama dingâ á de vuna hi suma tetengâ, ma dingâ á väd’u vuna hi suma tetengâ woi mi.

Jean 14:26

Wani Ma ndjunda, nala, Muzuk ma bei tchod’a ba ma Abun mba sunumï ki simiyêna, mam mba mi had’agi ahlena pet, mba mi gagi humagi yam ahlena pet suma an dagizina mi.

Sunda hi suma a sunuzinid’a 19:6

Kid’a Paul mi tin abom kazid’a, Muzuk ma bei tchod’a ba na mi mba kaziya. Azi nde de zlad’a ki vuna hi sumina teteng, a nga djok vun zlad’a hAlonid’a woi mi.

Sunda hi suma a sunuzinid’a 10:46

Kayam a humuzi a nga de zlad’a ki vuna hi sumina teteng, a nga gile Alona.

Sunda hi suma a sunuzinid’a 9:17

Ata yi máma, Ananiyas mi iya. Mi kal avo, mi tin abom kamu, mi dum ala: Wiyena Saul, Salad’a Jesus ma nde tam mbei irang kur lovot ta ang mba ki d’ina, mi sununï ni mamu, kayam irang mal leyo, ang oî ki Muzuk ma bei tchod’a ba na mi.

Sunda hi suma a sunuzinid’a 7:55

Wani Etienne mi oî ki Muzuk ma bei tchod’a ba na, mi so iram gola akulo, mi we subura hAlonid’a ki Jesus mi nga tchola ata Alona bigam mba ndjufa.

Sunda hi suma a sunuzinid’a 1:5

Kayam Jean mi le suma batemba ni ki mbina, wani ar nga burâ ngol li an mba ni lagi batemba ki Muzuk ma bei tchod’a ba na.

1 Korente-na 13:8

O mamba nga d’i kak didin. Zlad’a hi suma djok vun Alonid’a mba d’i kal leyo, he d’a hawad’a á de vuna hi suma tetenga mba d’i dap peyo, wed’a hi sumid’a mba d’i kal lei mi.

1 Korente-na 13:1

An le nga ni de vuna hi suma ki ma hi malaikanina pî, le an nga ni le od’a d’uo ni, zla man nda ded’a ni d’igi kawei ma a nga tumum keng kengâ na, d’oze d’igi agileng ma nga mi tchi kling klingâ na.

Sunda hi suma a sunuzinid’a 13:9

Wani Saul ma a yum ala Paul ma Muzuk ma bei tchod’a ba na mi nga oîd’a kuruma, mi so iram kamu, mi dum ala:

Sunda hi suma a sunuzinid’a 2:11

nala, Juif-fâ ki suma mbut Juif-fîna mi. Suma hiuna ni suma Kret-na ki suma Arap-ma. Ni nana ba, ei nga hum sum ndazina a nga de zlad’a ki vun meina teteng yam sun nda ngol la Alona mi lata na ge?

Wana ni Zla d’a Djivi d’a Luc mi b’irita 12:12

Kayam Muzuk ma bei tchod’a ba na mba mi tagagi vama ndak á ded’a ata yi mámina.

1 Korente-na 14:18

An nga ni le mersi mAlona kayam an nga ni de vuna hi suma tetengâ kalagi pet.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Sunda hi suma a sunuzinid’a 4:8

Ata yi máma, Pierre mi oî ki Muzuk ma bei tchod’a ba na, mi dazi ala: Agi amuleina hi sumina ki suma nglona hi Israel-lîna,

Jean 20:22

Kid’a mi de hina d’a, mi fo muzugam kaziya, mi dazi ala: Agi vagi Muzuk ma bei tchod’a ba na kurugiya.

Wana ni Zla d’a Djivi d’a Luc mi b’irita 4:1

Kid’a Jesus mi tcholï avun alum ma Jurdê-nid’a, mi nga oîd’a ki Muzuk ma bei tchod’a ba na; Muzuk máma mi im hur fulâ.

1 Pierre 1:12

Alona mi tak mam suma djok vuna ala sun nda azi nga lata ni kayam azi tazid’a d’i, wani ni yam agiya. Wani ki tchetchemba, agi humugi ahle ndazina nata suma a tchagi wal Zla d’a Djivid’a yam ad’enga hi Muzuk ma bei tchod’a ba ma sunumï akulona. Malaikana pî a min ngola á wäd’u ahle ndazina mi.

1 Korente-na 14:5

Kayam ndata, an min ala agi pet dagi zlad’a ki vuna hi suma tetengâ, wani vama kalâ, an min ala agi djogogi vun Alonina. Le sana nga mi de zlad’a ki vuna hi suma tetengâ ba, le sama ding nga mi vum ad’um mbei abu á wul ki Toka akulo d’uo ni, sama nga mi djok vun Alonina mi kalamu.

Sunda hi suma a sunuzinid’a 11:15

Kid’a an tin ad’ud’a á de zlad’id’a, Muzuk ma bei tchod’a ba na mi tchuk kä kazi d’igi mi tchuk kei adjeu na mi.

Sunda hi suma a sunuzinid’a 6:5

Zla ndata le suma toka tazi djivid’a heî. A man Etienne sama gagazi ma oîd’a ki Muzuk ma bei tchod’ina, Filip, Prokor, Nikanor, Timon, Parmenas ki Nikola ma Antiyos ma mbut Juif-fîna.

Sunda hi suma a sunuzinid’a 6:3

Kayam ndata, agi b’oziyomina, agi managi suma kid’iziya ni suma suma a nga le glangâs ma djivina kazina, ni suma oîd’a ki Muzuk ma bei tchod’a ki ned’ina, ami hazi sun ndata aboziya.

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

Wana ni Zla d’a Djivi d’a Luc mi b’irita 1:15

Mba mi mbut sama ngolâ avok Salad’a, mba mi tche süm guguzlud’a ki süm ma ayîna d’uo mi. Mba mi oî ki Muzuk ma bei tchod’a ba na ata yima a mba vud’uma.

Isai 59:21

Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Isai 28:11

Gagazi, Ma didina mba mi de zlad’a mi sum ndazina navun suma ambrozlod’a avun ma dingâ mi!

2 Samuel 23:2

Muzu’â hi Ma didinina mi zud’un á de zlad’a; zla mamba nga avunanu.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Efes-sâ 3:19

Hina wani, agi mba fagi ad’enga á we ki od’a hi Christ sa sana mi ndak á wat ad’ut pepet tuo d’a, kayam agi wagi oî d’a memeta hAlonid’a.

Sunda hi suma a sunuzinid’a 11:24

Mam mi sama djivina. Muzuk ma bei tchod’a ba na ki he gagazid’a a nga oîd’a kurum mi. Suma ablaud’a a mbut suma hi Salad’ina.

Sunda hi suma a sunuzinid’a 6:8

Etienne ma Alona mi b’e vunam kam mi hum ad’enga mi na, mi lahle suma atchapma kahle suma simata ngola aduk suma.

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Wana ni Zla d’a Djivi d’a Luc mi b’irita 1:67

Jean abum Zakari mi oî ki Muzuk ma bei tchod’a ba na, mi djok vun Alona, mi dala:

Wana ni Zla d’a Djivi d’a Luc mi b’irita 1:41

Ata yima Elizabet ti hum depa hi Marie-d’ina, gorâ mi tchol akulo kurud’u, Elizabet ti oî ki Muzuk ma bei tchod’a ba na mi.

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Matiye 10:19

Wani fata azi mba igi ata yima ka sariyad’id’a, ar agi djib’eregi ala agi mba lagi ni nana d’oze agi mba dagi nana ge d’a d’i, kayam ata yi máma, a mba hagi vama agi mba duma.

1 Samuel 10:10

Wani ata yima Saul azi kazong mama a mba Gibeya, a ngaf kadesâ hi suma djok vun Alonina, Muzu’â hAlonina mi surop yam Saul, mi hut gevezi go, nga mi djok vun Alona d’igi azi na mi.

2 Pierre 1:21

Kayam zla d’a suma djok vun Alona a data ti mba nga nata minda hi sa d’i, wani ni Muzuk ma bei tchod’a ba na ba, mi zud’uzi ni mam á de zla d’a tcholï ata Alonid’a woyo.

Ezekiyel 3:11

Ang i gen mang suma a yozï magombina, ang dazi zla manda. Le a min hum mboze le a min hum mbuo pî, ang dazi ala: Wana ni zla d’a Salad’a Ma didina mi data.

Jeremi 6:11

Kayam ndata, an oî kayîna hi ang Ma didinina, an ndak á vum kä d’uo mi. Ma didina mi dala: Ang vomza woi yam gugureina ir palumba, yam toka hi gro azungeînid’a, kayam mandjufâ kamamba a mba yozi zlapa ki mamarâ ki mamar ma kikrana mi.

1 Samuel 1:14

Eli mi dat ala: Ndak gurut ki süma hina gagak ini lara ge? Ndak ar gurut mak ndata woyo!

Sunda hi suma a sunuzinid’a 2:3

A we vana d’igi sin akud’a na mba kaziya, mi b’rau kak yam nge nge pî adigaziya.

Sunda hi suma a sunuzinid’a 8:17

Kid’a Pierre azi ki Jean a tin abozi kazid’a, ata yi máma, a ve Muzuk ma bei tchod’a ba na kuruziya.

Sunda hi suma a sunuzinid’a 10:47

Ata yi máma, Pierre mi dala: Suma Alona mi hazi Muzuk ma bei tchod’a d’igi ei na na, sama d’elezi bei lazi batemba ki mbina nga zu?

Sunda hi suma a sunuzinid’a 15:8

Alona ni ma we hur sumina, mi le glangâsâ woi kazi ala mi hazi Muzuk ma bei tchod’a d’igi mi heizi mi ei avok na.