Sunda hi suma a sunuzinid’a 2:3 - Bible azumeina

³ A we vana d’igi sin akud’a na mba kaziya, mi b’rau kak yam nge nge pî adigaziya.

Sunda hi suma a sunuzinid’a 2:3 Referans Kwoze

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Jeremi 23:29

Zla manda ni d’igi akud’a na, ti ni d’igi marto d’a ad’eng nga ti to ahinad’a woid’a na mi d’uo zu? An Ma didina ni de na!

Sunda hi suma a sunuzinid’a 2:4

Azi pet a oî ki Muzuk ma bei tchod’a ba na, a nde de zlad’a ki vuna hi sumina teteng d’igi Muzu’â mi hazizi á ded’a na.

Wana ni Zla d’a Djivi d’a Luc mi b’irita 24:32

Azi de tazi ala: Kid’a nga mi de zlad’a ki sed’ei kur lovotid’a, ata yima nga mi ve ad’ud’a kur mbaktumba hAlonid’ina, tei lei djivid’a d’uo zu?

Ad’u Tinda 11:6

Ata yi máma mi dala: Gola! Azi pet ni suma tuna, azi de ni vun ma tuna mi; vama azi tinim ad’um á led’a ki tchetchembina, vama d’elezi bugol á le vama azi tin huruzi kam á luma nga d’i.

Vama ndum mbeina 14:6

An we malaika ma dingâ mi pirï akulo dei aduk simetna. Mi nga ki Zla d’a Djivi d’a ari d’a didinda á ded’a mi suma yam andagad’ina, mandjaf suma pet, ad’u andjafâ pet ki vun ma ded’a pet, mi suma pet mi.

1 Korente-na 12:10

Muzu’â nga mi he mi sama dingâ á lahle suma atchapma, ma dingâ á djok vun Alona, ma dingâ á wal ir muzuk ma teteng ma ka zlad’a ki ma gagazina. Mi he mi sama dingâ á de vuna hi suma tetengâ, ma dingâ á väd’u vuna hi suma tetengâ woi mi.

Sunda hi suma a sunuzinid’a 2:11

nala, Juif-fâ ki suma mbut Juif-fîna mi. Suma hiuna ni suma Kret-na ki suma Arap-ma. Ni nana ba, ei nga hum sum ndazina a nga de zlad’a ki vun meina teteng yam sun nda ngol la Alona mi lata na ge?

Matiye 3:15

Wani Jesus mi hulong dum ala: Ar ang lan ka tchetchem, kayam ei ndagei vun ahlena pet suma Alona mi minizina. Bugola, Jean mi mina.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

Jacques 3:6

Sinda ni d’igi akud’a na. Ndat ni duniya d’a tchod’a, ti nga naduk hliu teya, nga d’i mbud’um ndjendjed’a pet. Nga d’i ngalei ari meid’a woi pet kaku d’a tcholï Jahanamid’a.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Sawal la giled’a 55:9

An mba ni ring atogo zak á ngei tan abo babar ma ngol ma bibi’â.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Sunda hi suma a sunuzinid’a 2:2

Ata yi máma na wat, siwel la dinga tcholï akulo d’igi babar ma ngol ma mi le bibi’â na, ti oî gong nga azi nga kuad’a.