Sunda hi suma a sunuzinid’a 19:21 - Bible azumeina

²¹ Bugol ahle ndazina, Paul mi djib’er kurum ala mba mi kal yam andaga d’a Maseduwan-nda ki d’a Akai-d’a á i Jerusalem. Mi dala: Le an mbaza hî ni, le ni nana pî, an mba ni we Rom mi.

Sunda hi suma a sunuzinid’a 19:21 Referans Kwoze

Sunda hi suma a sunuzinid’a 20:22

Ki tchetchemba, Muzuk ma bei tchod’a ba na nga mi zud’un á i Jerusalem, an we nga vama mba mi fan sä hina d’i.

Sunda hi suma a sunuzinid’a 20:16

Paul mi min kal Efes, kayam mam min ve yam Asi d’i. Mam nga mi b’at tam ala le ndaga ni, mam le bur ma Pantekot-na avo Jerusalem.

Sunda hi suma a sunuzinid’a 23:11

Kur andjege ndata, Salad’a mi nde tam mbei ir Paul, mi dum ala: Ang ve tangû, kayam d’igi ang le glangâs mana ka hî avo Jerusalem na, mbeî ang mba le glangâsâ avo Rom mi.

Romê-na 1:13

B’oziyona, an min ala agi wagi ala an min á iza hatagi yan ablaud’a, kayam sun manda ti vut adigagi d’igi ti vut aduk andjaf suma duniya suma hiuna na mi. Wani gak ki tchetchemba, an fe nga lovota d’i.

Sunda hi suma a sunuzinid’a 18:21

Wani mi gazi depa, mi dazi ala: Alona le mi mina ni, an mba hulongî gevegiya. Mi djak kur batod’a avo Efes, mi i Sesare.

1 Tasaloni’â 1:7

Kayam ndata, agi mbud’ugi ni vama taka mi suma a he gagazid’a yam ambas sa Maseduwan-nda ki d’a Akai-d’ina.

Galat-na 2:1

Bugol bizad’a dogo yam fid’i, an hulong Jerusalem zlapa ki Barnabas, an ve Tit ad’un mi.

1 Korente-na 16:5

An mba ni i Maseduwan tua ba, an iza hatagiya, kayam an nga hurun á i Maseduwan avogo.

Romê-na 1:15

Kayam ndata, tan nga d’i lan zlezleû á tchi wal Zla d’a Djivid’a mi agi Romê-na mi.

Sunda hi suma a sunuzinid’a 28:16

Kid’a ami mbami sa Rom-mba, suma te yamba a ar Paul á kak vam tu ki azigar ma ngomoma.

Sunda hi suma a sunuzinid’a 27:24

mi dan ala: Paul, ar ang le mandar ri; mbeî ang mba tchol avok ma te yamba Sesar. Alona, kur djivi mam mba kanga, nga mi ngom arid’a hi suma a nga tit ki sed’engâ pet mi.

Sunda hi suma a sunuzinid’a 27:1

Kid’a azi nga huruzi á sunumi ki batod’a á i yam andaga d’a Itali-d’id’a, a he Paul azi ki suma dangei suma dingâ abo ma ngol ma azigarâ abom kisâ, simiyêm ala Juliyus, ni ma ad’u adesâ hi Romê-na ma a yum ala Adesâ hi Sesar-râ na mi.

Sunda hi suma a sunuzinid’a 21:17

Kid’a ami mbami sä Jerusalem-mba, b’oziyoina a vami ki furîd’a.

Sunda hi suma a sunuzinid’a 21:4

Kid’a ami fami suma a he gagazid’ina fed’a, ami lami burâ kid’iziya ki sed’eziya. Muzu’â hAlonina mi dazi ala a de mi Paul ala mi djak i Jerusalem mbi.

Sunda hi suma a sunuzinid’a 18:12

Kur atchogoi ndata, Galiyon ni ma te yamba kur ambas sa Akai-d’a. Kur bur máma Juif-fâ a ndjak vunazi tu yam Paul, a im ata yima ka sariyad’a.

Hor ma tchina 3:37

Ni nge ba, mi de ba ahle ndazina a le ge? Ni Salad’a ba, mi he vuna d’uo zu?

Sunda hi suma a sunuzinid’a 16:12

Ami tcholomi kua, imi kur azì ma Filip-ma. Ni azì ma ngol ma avo’â kur ambas sa Maseduwan-nda, nandagad’a hi Romê-nid’a mi. Ami lami burâ ablaud’a kur azì ma ngol máma.

Sunda hi suma a sunuzinid’a 19:22

Mi sun suma ndjunuma mbà, nala Timote azi ki Eraste, á i Maseduwan, wani mam tamba mi ar kaka yam andaga d’a Asi-d’a ndjö tua.

Sunda hi suma a sunuzinid’a 19:29

Suma hur azì ma ngol máma pet a tum akulo, a zirik ringâ abo tazi tu. A i yo Gayus azi ki Aristarik suma Maseduwan-na, ni Paul ndrom suma tita, a izi avok suma ata yima luna.

Romê-na 1:11

Kayam tan nga ni lan zlezleû á wagiya, á hagi he d’a hawad’a hi Muzu’â hAloninid’a á siragi ngingring mi.

1 Korente-na 4:19

Wani le Salad’a mi mina ni, ar go an nga ni iza hatagi ná we zlad’a hi suma subur tazi ndazinid’a hol li, wani ná wad’eng mazid’a mi.

2 Korente-na 10:16

Hina wani, ami mba fami lovota á tchami wal Zla d’a Djivid’a kur ambas sa sä blogogid’a, kayam ami min suburumi tami yam sun nda suma dingâ a lat kur asine mazina adjeud’a d’i.