Sunda hi suma a sunuzinid’a 19:2 - Bible azumeina

² Mi djobozi ala: Kid’a agi hagi gagazid’id’a, agi fagi Muzuk ma bei tchod’a ba na ko zu? Azi hulong dum ala: Hawa! Ami humumi nga zlad’a hi Muzuk ma bei tchod’a ba nid’a yami tu d’i.

Sunda hi suma a sunuzinid’a 19:2 Referans Kwoze

Galat-na 3:5

Ata yima Alona mi hagi Muzuk mamina, mi lahle suma ndandalâ adigagi ni yam sunda hi gat ta agi lata, d’oze ni yam Zla d’a Djivid’a agi humut ta agi hagi gagazid’a kata zu?

1 Korente-na 6:19

Agi wagi nga d’ala hliu tagi ni gong nga kud’ora hAlona d’a Muzuk mam ma bei tchod’a ba ma mi hagizi nga kurugina d’uo zu? Agi nga ni yam tagi d’i.

Jean 7:39

Jesus mi de zla ndata ni yam Muzu’â hAlona ma suma a he gagazid’a kama a mba vuma, kayam Muzu’â nga bei humï tua, kayam Alona mi subur nga Jesus biya d’i.

Sunda hi suma a sunuzinid’a 19:5

Kid’a azi hum zla ndatid’a, a lazi batemba ki simiyê Salad’a Jesus.

Sunda hi suma a sunuzinid’a 10:44

Kid’a Pierre nga mi de zla ndata tua d’a, Muzuk ma bei tchod’a ba na mi tchuk kä yam suma a hum zla mambina pet.

Sunda hi suma a sunuzinid’a 2:17

Alona mi dala: Kur bur ma danana, an mba ni vo Muzuk mana yam suma pet. Grogi suma andjofâ ki suma aropma a mba djok vun Alona, azungeî magina ahlena a mba nde woi iraziya, momorogei magina adïd’a mba d’i dazi mi na.

1 Samuel 3:7

Samuel mi we nga Ma didina d’uo tua, kayam Ma didina mi dum nga zlad’a d’uo tua mi.

Romê-na 1:11

Kayam tan nga ni lan zlezleû á wagiya, á hagi he d’a hawad’a hi Muzu’â hAloninid’a á siragi ngingring mi.