Sunda hi suma a sunuzinid’a 19:16 - Bible azumeina

¹⁶ Sama nga ki muzuk ma tcho máma, mi lak ataziya, mi kal kazi pet. A buzuk ringâ woi kur azì máma ki gandilad’a ki mbuleina ataziya.

Sunda hi suma a sunuzinid’a 19:16 Referans Kwoze

Wana ni Zla d’a Djivi d’a Luc mi b’irita 8:29

Kayam Jesus mi he vuna mi muzuk ma tchona á nde woi kur sa máma. Adjeu muzuk ma tcho máma nga mi lum ndak ka ngola; suma a nga djinim ki kindjingâ, wani nga mi tchal ahlena pet suma a djinim ki na woyo, muzuk ma tchona mi digim abagei mi.

Marik 5:15

Azi mbeï gen Jesus, a we sama nga ki muzuk ma tchona kurum adjeuna mi nga kaka kä ki barud’a atamu, iram sik mi. Ni mam ma nga ki muzuk ma Bumî-na adjeuna. Azi le mandarâ ngola.

Wana ni Zla d’a Djivi d’a Luc mi b’irita 8:35

Suma a buzuk kei abu á we vama lena. Azi mbeï gen Jesus, a fe sama muzuk ma tchona mi buzuk kei kuruma, mi nga kaka kä avok Jesus ki baruna atamu, iram sik mi. Azi le mandarâ.

Sunda hi suma a sunuzinid’a 3:8

Mi fagakulo, mi tchola, mi nde tita. Mi kal ki sed’ezi kur gong nga kud’ora hAlonid’a, nga mi tid’a, nga mi lak akulo, nga mi gile Alona mi.

Sunda hi suma a sunuzinid’a 19:15

Muzuk ma tchona tu mi hulong dazi ala: An we Jesus, an we Paul mi, wani agi ni suma lara ge?

Sunda hi suma a sunuzinid’a 19:17

Juif-fâ kandjaf suma ding suma a nga kaka kur Efes-sâ pet, a hum zla ndata, a le mandarâ ngola, a nga subur simiyê Salad’a Jesus.

2 Pierre 2:19

Azi hlazi vuna á mbud’uzi gro vuta, wani azi tazid’a ni magumeina hahle suma izi kur b’lakina. Kayam vama kal yam sanina nga mi mbud’um magom mama.