Sunda hi suma a sunuzinid’a 18:3 - Bible azumeina

³ Kayam sun mazi d’a led’a ni tu, mi kak ki sed’eziya. A le sunda zlapa, kayam azi ni suma tchil tandana.

Sunda hi suma a sunuzinid’a 18:3 Referans Kwoze

1 Tasaloni’â 2:9

B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.

1 Korente-na 4:12

Ami nga kawami ki sunda á fe te mamina. Ata yima azi nga ngulumina, ami nga b’ami vuna kaziya. Ata yima azi nga djobomi vunamina, ami nga vami tamiya.

2 Korente-na 11:9

kayam b’oziyoi suma a tcholï Maseduwan-na a ndjunun kur kid’ak manda. Kayam ndata, an d’el tan yam ahlena pet, kayam ni tin aneka kagi d’i, an mba ni le hina teteu mi.

2 Korente-na 12:13

Vama an lum ki Tok ka dinga kal agi ni me ge? Kayambala an tinigi nga aneka kagi d’uo d’a zu? Ar agi vad’agi hurugi woi yam tcho man ndata!

2 Korente-na 11:7

Kid’a an tchagi wal Zla d’a Djivid’a hAlonid’a, an tchat ni hawa bei wuraka. Ata yi máma an mbut tan va d’uo á mbud’ugi va. Hina ni an le ni tchod’a zu?

1 Korente-na 9:14

Kayam ndata, Salad’a mi he vuna ala: Suma a nga tchi wal Zla d’a Djivid’ina, a fe te mazina ni kua mi.

1 Korente-na 9:15

Wani an le nga na d’i! An nga ni b’irigi ni kayambala an halî va abogiya d’a d’i. Le sana nga mi las vama an nga subur tan kama ni, an mit pî ni hotei.

1 Korente-na 9:18

Wurak manda ni me ge? Wurak manda ni tchi d’a an nga ni tchi wal Zla d’a Djivid’a hawad’a. Ata yima an nga ni tchi wal Zla d’a Djivid’ina, an nga ni hal va abo sa d’i.

1 Tasaloni’â 4:11

Ar agi b’ad’agi tagi á kagagi tchugot, ar agi kagagi agi tinigi iragi yam ahle magina, ar agi lagi sunda kabogi á fahle magina d’igi ami hagi vuna avok na.

2 Amuleina 6:2

Ang hami lovota ami imi avun alum ma Jurdê-na, nge nge pî mi kaï aguna, ami mba minimï yima ding ma kaka. Elise mi dazi ala: Agi igiya!