Sunda hi suma a sunuzinid’a 18:27 - Bible azumeina

²⁷ Bugol la Apolos mi min i Akai-d’a, b’oziyoina a min ala mi i mi, a lum mbaktumba abom mi suma a he gagazid’a kur ambas ndatina ala a vum ataziya. Kid’a mi mbazid’a, mi ndjun suma a he gagazid’ina kayam Alona mi tagazi suma mamba.

Sunda hi suma a sunuzinid’a 18:27 Referans Kwoze

Kolos-sâ 4:10

Aristarik ndran ma dangeina, mi gagi depa. Marik ma Barnabas abamba gorotnina, mi gagi depa mi. Ni ma an dagizi zlam avok ala le mi mbaza hatagiya ni, agi vum atagi djiviya na.

Kolos-sâ 2:12

Kayam a tozogi zlapa tu ki Christ kur batemba, kurut a tchologi zlapa tu ki mam mi, kayam agi hagi gagazid’a yam ad’eng nga Alona mi tagat tei ata yima mi tcholom akulo aduk suma matnina.

Filip-ma 1:29

Kayam Alona mi vagi sumad’a zlapa ki Christ ná he gagazid’a kam hol li, wani ná fagi ndaka kam mi.

Filip-ma 1:25

An we woi tetet ala an mba ni kak ki sed’egi pet á ndjunugiya, kayam agi igi avogovogo, agi lagi furîd’a yam he gagazi magid’a mi.

2 Korente-na 1:24

Kayam ami minimi á te yam he gagazi magid’a d’i, kayam agi nga kaka ngingring kur he gagazid’a, wani ami min ei lei sunda zlapa tu yam djivi magid’a.

1 Korente-na 16:3

Fata an mbazid’a, an mba ni sun suma agi manazina ki mbaktum mba depa ki he d’a hawa magid’a mi suma Jerusalem-ma.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

Sunda hi suma a sunuzinid’a 19:1

Kid’a Apolos nga kur Korente tua d’a, Paul nga mi tit yam yima akulona handaga ndatina. Mi mba kur Efes, mi fe suma hat suma dingâ a nga kua.

Sunda hi suma a sunuzinid’a 18:18

Paul mi kak kua burâ ngola. Ata yi máma, mi ge b’oziyoina depa, mi djak kur batod’a á i Siri zlapa ki Prisil ki Akila. Paul mi wel yam mbei avo Sengkre, kayam mi hle vunam mAlona da’.

Sunda hi suma a sunuzinid’a 9:27

Barnabas mi vum im mi suma a sunuzina. Mi vazi ad’u ahlena ala ni nana ba, Saul mi we Salad’a kur lovota kahle suma mi dumzina ki wal la mi tchat ki simiyê Jesus kur Damas bei mandarâ ba d’a.

1 Korente-na 3:6

An ni ma ped’a, Apolos ni ma vo mbina kama, wani Alona ni ma wuluma.

Sunda hi suma a sunuzinid’a 18:12

Kur atchogoi ndata, Galiyon ni ma te yamba kur ambas sa Akai-d’a. Kur bur máma Juif-fâ a ndjak vunazi tu yam Paul, a im ata yima ka sariyad’a.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Sunda hi suma a sunuzinid’a 11:26

Kid’a mi fumba, mi mba ki sed’em Antiyos. A nga tok ki suma toka teteu gak bizad’a tu, a nga hat suma ablaud’a kur Antiyos. Ni kur bur máma ba, a tin ad’ud’a á yi suma hata ala Kretiyêna.

Sunda hi suma a sunuzinid’a 15:34

Wani Silas mi djib’er ala mi kak sä kua.]