Sunda hi suma a sunuzinid’a 18:25 - Bible azumeina

²⁵ A had’am wa lovota hi Salad’id’a. Tam nga d’i lum zlezleû, nga mi tchi wala, nga mi hat yam Jesus d’ingêr, wani mi we ni batemba hi Jean-d’a hol.

Sunda hi suma a sunuzinid’a 18:25 Referans Kwoze

Sunda hi suma a sunuzinid’a 19:3

Paul mi djobozi ala: Agi lagi ni batem mba lara ge? Azi dum ala: Ami lami ni batemba hi Jean-d’a.

Romê-na 12:11

Ar agi lagi azulomba kur sun nda led’a d’i. Ar agi lagi sunda mi Salad’a ni ki zlezleûd’a.

Wana ni mbaktumba hi Oze-d’a 14:9

Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

Sunda hi suma a sunuzinid’a 19:23

Kur bur máma tuguyo d’a ngola tchol yam lovota hi Salad’id’a.

Sunda hi suma a sunuzinid’a 19:9

Wani suma ablaud’a a min he gagazid’a d’i, a nga las lovota hi Salad’id’a avok suma ablaud’a mi. Kayam ndata, mi nde woi adigaziya, mi yo suma hata woi adigaziya, mi tchi tuguyod’a kur gong nga hata hi Tiranus-sa.

Sunda hi suma a sunuzinid’a 9:2

mi djobom ala mi hum mbaktumba yam gongîyo suma toka hi Juif suma Damas-sâ, kayam le mi fe suma ding suma a nga tit kur lovota hi Salad’id’a, le ni andjofâ d’oze aropma ni, mi yozï mi mbazi Jerusalem ki djinda.

Marik 12:14

Kid’a azi mbeï atamba, a dum ala: Ma hat suma, ami wami ala angî ma gagazi ma bei le mandara sa ba na, kayam ang nga ka ir sa d’uo mi, wani ang hat suma yam lovota hAlonid’a kur gagazid’a. Djivid’a ei hei tara mamulâ Sesar roze ei hum mbuo zu?

Jacques 5:16

Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.

2 Timote 2:4

Azigar ma dur ayîna nga mi tin hurum yam vama blogoma d’i, kayam mi min á le mam ma ngolâ tam djivid’a.

Sunda hi suma a sunuzinid’a 16:17

Ti nga d’i tit ad’umi ki Paul, ti er ad’ut akulo ala: Suma wana nazungeîna hAlo ma sä akulo ma kal teglesîna. Azi nga ni tchagi ni wal lovot ta igi kur sutid’a.

Sunda hi suma a sunuzinid’a 13:10

Ang ma tcho ma mbut ira, ang Diable goroma, angî ma djangûna hahle suma djivina pet. Ni mindja ba, ang mba ar bei b’lak lovot ta d’ingêra hi Salad’id’a ge?

Wana ni Zla d’a Djivi d’a Luc mi b’irita 7:29

Ata yima suma pet ki suma ve lombod’a a hum zla ndatina, a dala: Alona ni Ma d’ingêrâ, kayam Jean mi lazi batemba.

Marik 1:3

Wani ni dela hi ma nga mi er ad’um hur fula ala: Agi minigi lovota hi Ma didinid’a, agi minigi lovot mam mba gureid’a d’ingêru na.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Isai 40:3

An hum dela nga d’i dei ala: Agi minigi lovota mi Ma didina hur fulâ, agi minigi lovota d’ingêr hur ful ma gangrasâ mAlo meina.

Sawal la giled’a 119:1

Suma a nga tit kur lovot mazi d’a d’ingêr suma a nga tit yam gata hi Ma didinid’a a le furîd’a.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

Suma ka sariyad’a 2:22

An arazi hina á kuk Israel-lâ á we na ni a mba tit yam gat manda d’igi abuyozi ngolo a tit kat hina d’oze a tit kat tuo zi ge?

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Sawal la giled’a 67:2

Alo mamina, ang wami hohowomiya, ang b’e vunang kamiya, ang tin irang kami mi. Tchol ndjö

Wana ni Zla d’a Djivi d’a Luc mi b’irita 1:4

An le hina kayam ang wäd’u gagazid’a ki hat ta a had’angzid’a.

Sunda hi suma a sunuzinid’a 18:26

Mi tin ad’ud’a á tchi wala bei mandarâ ba kur gong nga toka hi Juif-fîd’a. Wani kid’a Prisil azi ki Akila a hum zla mambid’a, a vum ataziya, a nga vum ad’u lovota hAlonid’a woi tetet.