Sunda hi suma a sunuzinid’a 18:19 - Bible azumeina

¹⁹ Azi mbaza Efes, Paul mi ar Akila azi ki Prisil. Wani mam tamba mi kal kur gong nga toka, nga mi tchi tuguyod’a ki Juif-fâ.

Sunda hi suma a sunuzinid’a 18:19 Referans Kwoze

2 Timote 1:18

Ar Salad’a mi wum hohowom kur bur máma. Ang we sun nda mam lat ki sed’en avo Efes-sa tetet.

1 Timote 1:3

Kid’a an tchol á i Maseduwan-nda, an gigid’eng ala ang kak avo Efes kayam ang he suma a nga hat hat ta tchod’ina vuna á hat hat ta tchod’a d’i.

Efes-sâ 1:1

Ni an Paul ma a sunuma hi Jesus Christ-sâ kur minda hAlonid’a. An nga ni b’ir mbaktum mba wanda mi agi suma hAlona suma avo Efes suma d’engzeng suma zlapa tu ki Jesus Christ-sâ.

1 Korente-na 16:8

Wani an mba ni kak ka hî kur Efes gak bur ma Pantekot-na,

1 Korente-na 15:32

Wani le an ndjiget kambureina avo Efes ni yam d’alâ hi sana ni, mbiyo ma an fuma ni me ge? Le suma matna a mba tchol akulo d’uo ni, ar ei teya, ar ei tcheya, kayam avin ei boya, d’igi zla d’a d’ogola ti de na.

Sunda hi suma a sunuzinid’a 20:16

Paul mi min kal Efes, kayam mam min ve yam Asi d’i. Mam nga mi b’at tam ala le ndaga ni, mam le bur ma Pantekot-na avo Jerusalem.

Sunda hi suma a sunuzinid’a 19:1

Kid’a Apolos nga kur Korente tua d’a, Paul nga mi tit yam yima akulona handaga ndatina. Mi mba kur Efes, mi fe suma hat suma dingâ a nga kua.

Sunda hi suma a sunuzinid’a 18:24

Kur bur máma ma Juif-fâ, simiyêm ala Apolos, ambas mamba ni Alezandri, mi mba Efes. Ni ma we zla d’a ded’a heîna, mi we mbaktumba hAlonid’a ngola heî mi.

Sunda hi suma a sunuzinid’a 18:4

Kur bur ma sabat ma lara ge pet, Paul nga mi tchi wala kur gong nga toka hi Juif-fîd’a, nga mi ve Juif-fâ ki Gre’â ki zlad’a.

Vama ndum mbeina 2:1

Ang b’ir mbaktumba mi malaika ma nga yam Tok ka Efes-sina. Wana nahle suma ma ve tchitchiu d’a kid’iziyad’a abom ma ndjufâ ma nga mi tit aduk agu ma tin lalam mba lora kam ma kid’iziyana mi dazina:

Vama ndum mbeina 1:11

Ti dan ala: Ang b’ir vama an wuma kur mbaktumba, ang sunut mi Tok ka kid’iziyad’a, nala, ta Efes-sa, ta Ismirin-nda, ta Pergam-mba, ta Tiyatir-ra, ta Sardes-sa, ta Filadelfi-d’a ki d’a Lawodise-d’a mi.

2 Timote 4:12

An sun wa Tisik Efes.

Sunda hi suma a sunuzinid’a 19:26

Agi wagiya, agi humugi mi, ni kur Efes hol li, wani ar go kur ambas sa Asi-d’a pet, Paul máma mi kal yam suma. Mi mbut hur suma kä ngola, nga mi dazi ala: Alo ma suma lum kabozina nalona d’i.

Sunda hi suma a sunuzinid’a 19:17

Juif-fâ kandjaf suma ding suma a nga kaka kur Efes-sâ pet, a hum zla ndata, a le mandarâ ngola, a nga subur simiyê Salad’a Jesus.

Sunda hi suma a sunuzinid’a 18:21

Wani mi gazi depa, mi dazi ala: Alona le mi mina ni, an mba hulongî gevegiya. Mi djak kur batod’a avo Efes, mi i Sesare.

Sunda hi suma a sunuzinid’a 18:20

Ata yi máma, azi tchenem ala mi kak ki sed’ezi tua, wani mam min nga d’i.

Sunda hi suma a sunuzinid’a 19:28

Kid’a azi hum hina d’a, huruzi zal heî, a tum sora akulo ala: Artemis sa Efes sa ngol la kal papad’a.

Sunda hi suma a sunuzinid’a 19:35

Ata yi máma, ma b’ir mbaktum ma hur azinina, mi seng ablau suma. Mi dazi ala: Agi suma Efes-sâ, suma pet a wala azì ma ngol ma Efes-sâ ni ma ngom gong nga ngola hi Artemis-sa ki vama hle tam d’igi ndat na ma mi ndeï kä yam andagad’ina.

Sunda hi suma a sunuzinid’a 20:17

Kid’a Paul mi nga avo Milet-ta, mi ge sunda Efes, mi yï nglo suma gol toka gevemu.

Sunda hi suma a sunuzinid’a 21:29

Kayam azi we Trofim ma Efes-sâ adjeu ki Paul hur azì ma ngol ma Jerusalem-ma. A djib’er ala Paul mi kal wa ki sed’em kur gong nga kud’ora hAlonid’a.