Sunda hi suma a sunuzinid’a 17:4 - Bible azumeina

⁴ Suma hiuna adigazi a ve zla ndata, a i ad’u Paul azi ki Silas; Grek suma a nga kud’or Alona ablaud’a karop suma nglona ablaud’a a le hina mi.

Sunda hi suma a sunuzinid’a 17:4 Referans Kwoze

Sunda hi suma a sunuzinid’a 17:12

Suma dingâ ablaud’a adigazi a he gagazid’a, zlapa karop suma nglo suma Gre’â kandjuveina ablaud’a mi.

Sunda hi suma a sunuzinid’a 14:4

Wani ablau suma kur azì ma ngol mámina a wal kä mbà, suma hiuna ad’u Juif-fâ, suma hiuna ad’u suma a sunuzina mi.

Sunda hi suma a sunuzinid’a 13:43

Kid’a suma toka a b’raud’a, Juif-fâ ablaud’a ki suma mbut Juif-fâ suma a nga le mandara Alonina, a nga tit ad’u Paul azi ki Barnabas. Paul azi a dazi zlad’a, a gigid’ezi ala ar azi kak kur sumad’a hAlonid’a ngingring.

2 Korente-na 8:5

Azi he kal yam vama ami tinimi hurumi kama, kayam azi he tazi mi Salad’a avogo, bugola, a he tazi mi ami kur minda hAlonid’a mi.

Sunda hi suma a sunuzinid’a 28:24

Suma dingâ a he gagazid’a yam zla d’a mam data, wani suma dingâ a noî bei he gagazid’a mi.

Sunda hi suma a sunuzinid’a 15:22

Ata yi máma, suma a sunuzina ki suma nglona ki suma toka pet a ndjak vunazi á man suma adigazi á sunuzi Antiyos zlapa ki Paul azi ki Barnabas. Azi man Jude ma a yum ala Barsabas-sâ ki Silas, ni suma nglo suma avok b’oziyozinina.

Sunda hi suma a sunuzinid’a 13:50

Wani Juif-fâ a zut arop suma nglo suma a nga kud’or Alonina ki suma nglo suma kur azì ma ngol mámina á zut suma ala a tchol huneîd’a ki Paul azi ki Barnabas, a digizi woi yam andaga mazid’a mi.

Sunda hi suma a sunuzinid’a 21:28

A er ad’uzi akulo ala: Agi Israel-lâ, agi mbeï ndjunumiya. Wana ni sama nga mi tchi wala ata yina pet ala suma a noî Israel-lâ ki gata hi Moise-sa ki gong nga kud’ora hAlona d’a wanda woi mi na. Wani ki tchetchemba, mi mbeï wa kandjaf suma dingâ kur gong nga kud’ora hAlonid’a á mbut yi mei ma a tinim iram vama ndjendjed’a.

Sunda hi suma a sunuzinid’a 19:10

Mi le hina gak bizad’a mbà. Hina wani, Juif-fâ kandjaf suma ding suma a nga kaka kur ambas sa Asi-d’ina pet, a hum zlad’a hi Salad’id’a.

Sunda hi suma a sunuzinid’a 18:4

Kur bur ma sabat ma lara ge pet, Paul nga mi tchi wala kur gong nga toka hi Juif-fîd’a, nga mi ve Juif-fâ ki Gre’â ki zlad’a.

Sunda hi suma a sunuzinid’a 17:34

Wani suma dingâ a i ad’umu, a he gagazid’a. Suma ding adigazi ni Denis ma aduk suma a nga b’ak zlad’a ata yima nding ma a yum ala Areyopas-sâ katchad’a simiyêt ala Damaris zlapa ki suma dingâ mi.

Sunda hi suma a sunuzinid’a 17:17

Burâ ki burâ nga mi tchi tuguyod’a ki Juif-fâ kur gong mazi d’a toka kandjaf suma ding suma a nga kud’uroma ki suma a ngavam ad’u su’îna mi.

Sunda hi suma a sunuzinid’a 16:3

Paul mi min á i ki sed’emu, mi vumu, mi ngad’am bayâd’a, kayam Juif suma a nga ata yi mámina, kayam azi we pet ala abumî ma Gre’â.

Sunda hi suma a sunuzinid’a 15:40

Wani Paul mi man Silas. Kid’a b’oziyoina a tchen Salad’a kazi tchenda, a arazi a iya.

Sunda hi suma a sunuzinid’a 15:32

Jude azi ki Silas, azi tazid’a ni suma djok vun Alona mi, azi giget b’oziyozina ngola, a sirazi ngingring.

Sunda hi suma a sunuzinid’a 15:27

Kayam ndata, ami sunugi Jude ki Silas; azi tazid’a a mba dagi ahle ndazina woi ki vunazi mi.

Sunda hi suma a sunuzinid’a 14:1

Ata yi máma, Paul azi ki Barnabas a kal kur gong nga toka hi Juif-fîd’a avo Ikoniyum. A tchazi wala gak Juif-fâ ki Gre’â ablaud’a a he gagazid’a.

Sunda hi suma a sunuzinid’a 4:23

Bugol la a tchuguzi akulod’a, Pierre azi ki Jean a i gen ndrozina, a dazi ahlena pet suma nglo suma ngat buzuna ki suma nglona a dazizina.

Sunda hi suma a sunuzinid’a 2:44

Suma he gagazid’ina pet a nga toka darigïd’a, a nga b’rau ahle suma azi nga ki sed’ezina pet aduk taziya.

Jean 7:35

Kayam ndata, Juif-fâ a de tazi ala: Sa máma, mi i ni lara ba, ei ndak á feizi d’uo ge? Mi i ni gen Juif suma a b’rau woi aduk suma Gre’â á hat suma Gre’â zu?

Sawal la kal teglesa 6:1

Yuguneina a djobot ala: Ta djif heîd’a, ma ndak le kam heîna, mi i ni lara ge? Ma ndak huruk vum heîna, mi i nabo ma lara ba, ei i haleizi d’ang nge?

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Zla d’a d’ogolâ 9:6

Agi noyôgi bei wad’ud’a woyo. Hina wani, agi mba kagagi karid’a. Ar agi tid’igi kur lovot ta wad’ud’a.

Zakari 2:11

Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Sunda hi suma a sunuzinid’a 17:10

Ata yi máma na wat, kur andjeged’a, b’oziyoina a sun Paul azi ki Silas Bere. Kid’a azi mbaza kuad’a, a kal kur gong nga toka hi Juif-fîd’a.

Sunda hi suma a sunuzinid’a 17:14

Ata yi máma na wat, b’oziyoina a sun Paul avun alum ma ngolâ, wani Silas azi ki Timote a ar sä Bere.