Sunda hi suma a sunuzinid’a 17:2 - Bible azumeina

² Paul mi kal gevezi d’igi mam nga mi ladjeu dei na. Mi le bur ma sabatna hindi, nga mi tchi tuguyod’a ki sed’ezi kur mbaktumba hAlonid’a.

Sunda hi suma a sunuzinid’a 17:2 Referans Kwoze

Sunda hi suma a sunuzinid’a 9:20

Ata yi máma na wat, mi nde tchi wala kur gongîyo suma toka hi Juif-fîna, nga mi dala: Jesus nAlona Goroma.

Sunda hi suma a sunuzinid’a 18:4

Kur bur ma sabat ma lara ge pet, Paul nga mi tchi wala kur gong nga toka hi Juif-fîd’a, nga mi ve Juif-fâ ki Gre’â ki zlad’a.

Sunda hi suma a sunuzinid’a 17:17

Burâ ki burâ nga mi tchi tuguyod’a ki Juif-fâ kur gong mazi d’a toka kandjaf suma ding suma a nga kud’uroma ki suma a ngavam ad’u su’îna mi.

Sunda hi suma a sunuzinid’a 17:10

Ata yi máma na wat, kur andjeged’a, b’oziyoina a sun Paul azi ki Silas Bere. Kid’a azi mbaza kuad’a, a kal kur gong nga toka hi Juif-fîd’a.

Sunda hi suma a sunuzinid’a 14:1

Ata yi máma, Paul azi ki Barnabas a kal kur gong nga toka hi Juif-fîd’a avo Ikoniyum. A tchazi wala gak Juif-fâ ki Gre’â ablaud’a a he gagazid’a.

Sunda hi suma a sunuzinid’a 13:5

Kid’a a mbaza Salamin-nda, a nde tchi wal zlad’a hAlonid’a kur gongîyo suma toka hi Juif-fîna. Jean Marik mi nga ki sed’ezi á ndjunuziya.

Sunda hi suma a sunuzinid’a 28:23

Kid’a azi ngam burîd’a, suma ablaud’a a mba fum ata yima mam nga kaka kuana. Mi vazi ad’u zla ndata, mi lazi glangâsâ yam leud’a hAlonid’a, nga mi vazi ad’ud’a kur gata hi Moise-sa, kur mbaktumba hi suma djok vun Alonid’a yam Jesus. Mi tin ad’ud’a ki yorogod’a dei gak afata niga.

Sunda hi suma a sunuzinid’a 8:35

Filip mi mal vunam nde mi tchum wal Zla d’a Djivid’a hi Jesus-d’a kur mbaktum ndata.

Jean 18:20

Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi.

Wana ni Zla d’a Djivi d’a Luc mi b’irita 4:16

Jesus mi mbaza Nazarat kur azì ma mi wul kuana. Mi kal kur gong mazi d’a toka kur bur ma sabatna d’igi nga mi le teteu na. Mi tchol akulo á ndum mbaktumba ki delem akulo.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Sunda hi suma a sunuzinid’a 24:25

Wani kid’a Paul mi dum zla d’a yam tit ta d’ingêrid’a, yam ve ta d’a yam hliu tad’id’a, yam sariya d’a nga d’i mbad’a mi d’a, Felix mi le mandarâ ngola. Mi hulong dum ala: Ki tchetchemba, ang iya; fata an fe wa lovota ni, an mba ni yangî tua.

Sunda hi suma a sunuzinid’a 19:8

Paul mi kal kur gong nga toka hi Juif-fîd’a, mi nga mi de zlad’a bei mandarâ ba tilâ hindi. Mi tchazi tuguyod’a, mi nga mi vazi ad’ud’a yam leud’a hAlonid’a.

Sunda hi suma a sunuzinid’a 13:14

Paul azi a tchol kur Perge, a i kal kur Antiyos sa Pisidi-d’a, a kal kur gong nga toka hi Juif-fîd’a kur bur ma sabatna, a kak kä.

1 Samuel 12:7

Ki tchetchemba, agi tchologi hina djang avok Ma didina; an nga ni vagi ad’ud’a yam sun nda d’ingêr ra pet ta Ma didina mi lat ki agi kabuyogi ngolod’a.

Matiye 26:24

An Gor Sana nga ni i á matna d’igi a b’ir kan kur mbaktumba hAlonid’a na. Wani ni zla d’a hohoud’a yam sama kol ma mba mi han an Gor Sana abo sumina. Sa máma ladjï a vud’um mbuo pî ni, hotei.

1 Korente-na 15:3

An hagi ni vama kal tegles ma an vuma: Christ mi mit ni kayam tcho meid’a d’igi mbaktumba hAlonid’a ti de na;