Sunda hi suma a sunuzinid’a 16:5 - Bible azumeina

⁵ Kayam ndata, suma toka a nga sira kur he gagazid’a, a nga zul avogovok burâ ki burâ mi.

Sunda hi suma a sunuzinid’a 16:5 Referans Kwoze

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Sunda hi suma a sunuzinid’a 2:47

a nga gile Alona mi. Suma pet a nga yoroziya. Burâ ki burâ Salad’a nga mi sut suma dingâ kazi kua kazi kua kur Toka.

Sunda hi suma a sunuzinid’a 6:7

Ni hina ba, zlad’a hAlonid’a ti b’rau woyo. Suma hata a nga zul kazi kua kua kur Jerusalem, suma ngat buzuna ablaud’a a he gagazid’a mi.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

Sunda hi suma a sunuzinid’a 15:41

Mi kal yam andaga d’a Siri-d’a ki d’a Silisi-d’a, nga mi sira suma toka ngingring kur he gagazid’a.

Kolos-sâ 2:6

D’igi agi vagi Jesus Christ Salad’a na, ar agi tid’igi zlapa tu ki mamu.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Romê-na 16:25

Ar ei suburi Alona! Mi ndak á siragi kur he gagazi magid’a yam Zla d’a Djivid’a hi Jesus Christ sa an nga ni tchat walata. Ni Ma mi nde zla d’a muduri d’a mi ngeyet kur atchogoi d’a kal dedeid’a woina.

Sunda hi suma a sunuzinid’a 12:24

Wani zlad’a hAlonid’a ti wet teyo, nga d’i zul avogovok mi.

Hebre-na 13:9

Ar hat ta ding nga tetenga vid’igi woi d’i. Djivid’a ei sirei ni sira kur sumad’a hAlonid’a, wani nga ni yam te ma teteng ma ndak á le va ki suma a tin huruzi kama d’uo na d’i.

2 Tasaloni’â 2:16

Ar Saleina Jesus Christ tamba kAbui Alo ma mi le keina, mi b’lengeî huri b’leng nga didinda yam suma mamba ki tin hur ma djivina,

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

1 Tasaloni’â 3:2

Ni kayam ndata ba, ami sunugi sä wiyeina Timote ma sunda hAlona ma yam Zla d’a Djivid’a hi Christ-sina á siragiya, á gigid’egi kur he gagazi magid’a mi,

Galat-na 5:1

Christ mi pad’ei woi kur magomba da’. Kayam ndata, ar agi kagagi ngingring kur pat ndata. Ar agi hulongôgi kur magomba d’uo d’a.

Sunda hi suma a sunuzinid’a 11:21

Ad’enga hi Salad’id’a ti nga ki sed’eziya, suma ablaud’a a he gagazid’a, a mbut huruzi yam Salad’a.

Sunda hi suma a sunuzinid’a 5:14

Suma a he gagazi mi Salad’ina a nga zul kam kua kam kua ablaud’a, andjofâ karopma mi.

Sunda hi suma a sunuzinid’a 4:4

Wani ablaud’a aduk suma a hum zla ndatina, a he gagazid’a, ndum mazid’a suma ni d’igi dudubud’a vahl na.

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!