Sunda hi suma a sunuzinid’a 16:34 - Bible azumeina

³⁴ Mi i ki Paul azi ki Silas avo hatamu, mi hazi tena, mi le furîd’a zlapa ki suma avo hatama pet, kayam azi he gagazid’a yam Alona.

Sunda hi suma a sunuzinid’a 16:34 Referans Kwoze

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Filemon 1:7

Wiyena, kayam o manga, tan ndi lan djivid’a heî; ti ndjunun mi, kayam ang b’leng hur suma hAlonina ngola.

Romê-na 5:11

Ni kayam ndata hol li, wani ei nga lei furîd’a zlapa kAlona, ni yam Saleina Jesus Christ ma ki tchetchemba mi zlabei darigïd’a kAlonina.

Sunda hi suma a sunuzinid’a 2:46

Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,

1 Jean 3:18

Grona, ar ei leigi od’a ki zla d’a ded’a d’oze ki vunei go d’i, wani ki sun nda led’a ki gagazid’a.

Filip-ma 4:17

Wani an halî he d’a hawad’a d’i, wani an min ala djivi magid’a ti i avogovogo.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Romê-na 5:2

Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Sunda hi suma a sunuzinid’a 11:14

Mam mba mi dang zla d’a ang mba fe ki sutid’a ki suma avo hatangâ pet mi.

Sunda hi suma a sunuzinid’a 8:39

Kid’a azi tup pei akulo aduk mbinid’a, Muzu’â hi Salad’ina mi zlak Filip. Adimbang dok wum bugol luo d’a, wani mi hle lovot mamba ki furîd’a.

Wana ni Zla d’a Djivi d’a Luc mi b’irita 19:6

Mi tchugï asem kä atogo zak, mi vum ki furîd’a.

Wana ni Zla d’a Djivi d’a Luc mi b’irita 15:32

Wani djivid’a ei lei furîd’a, ei kagei ki furîd’a, kayam wiyeng ma d’igi mit tei na na, mi zlit wa; mi vit teyo, an fum wa da’.

Wana ni Zla d’a Djivi d’a Luc mi b’irita 5:29

Levi mi le te ma ngolâ kayam Jesus avo hatamu. Ablau suma ve lombod’a azi ki suma dingâ, a nga te ki sed’eziya.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 55:12

Agi mba buzugugï woi kur Babilon ki furîd’a, agi mba mbagi avo hatagi ki b’leng nga halasa, ahuniyôna ki yima ndingâ a mba er ad’uzi akulo avorogi ki furîd’a, agu ma abageina pet mba mi tum abom ki furîd’a mi.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

Sunda hi suma a sunuzinid’a 16:15

Kid’a ami lat batemba ki suma avo hatatna peta, ti tchenemi ala: Le agi wan ala an natcha d’a d’engzenga avok Salad’a ni, agi mbeï kagagi avo hatanu. Ti labami gak ami imi ki sed’ed’u.

Sunda hi suma a sunuzinid’a 16:35

Kid’a yina mi fo dad’a, suma nglo suma Romê-na a sunï suma sunda gen ma ngol ma ngom vun gong nga dangeinina ala: Ang tchuk sum ndazina akulo, a iya.