Sunda hi suma a sunuzinid’a 15:35 - Bible azumeina

³⁵ Wani Paul azi ki Barnabas a kak Antiyos. A nga hat suma, a nga tchi wal zlad’a hi Salad’id’a zlapa ki suma dingâ ablaud’a mi.

Sunda hi suma a sunuzinid’a 15:35 Referans Kwoze

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

Kolos-sâ 1:28

Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

Sunda hi suma a sunuzinid’a 13:1

Aduk suma tok suma Antiyos-sâ, suma djok vun Alona ki suma hat suma a nga, nala, Barnabas, Simeon ma a yum ala Ma wurana na, Lusiyus ma Siren-na, Manayen ma wul asem tazi kamulâ Herot-na ki Saul mi.

1 Timote 2:7

Kayam ndata, mi yan á tchi wala, mi tinin ma a sunuma á hat andjaf suma dingâ kur he gagazid’a, kur zla d’a irata mi. An nga ni de ni zla d’a gagazi d’a bei ka zlad’a ba d’a.

Sunda hi suma a sunuzinid’a 28:31

Nga mi tchazi wala yam leud’a hAlonid’a, nga mi had’azi ad’u ahlena yam Salad’a Jesus Christ bei mandarâ ba, sama d’elem nga d’uo mi.

Sunda hi suma a sunuzinid’a 14:28

Azi kak ki suma a he gagazid’ina burâ ngola.

Sunda hi suma a sunuzinid’a 8:4

Azi suma a b’rau woina, a nga tchi wal Zla d’a Djivid’a ata yima lara ge pet.

Sunda hi suma a sunuzinid’a 12:25

Kid’a Barnabas azi ki Saul a dap vun sun mazid’id’a, a tchol Jerusalem, a hulong Antiyos, a ve Jean ma a yum ala Mari’â ad’uziya.

Sunda hi suma a sunuzinid’a 13:12

Kid’a ma te yamba mi we vama lenid’a, mi he gagazid’a, mi le atchap yam hata hi Salad’id’a.

Sunda hi suma a sunuzinid’a 15:34

Wani Silas mi djib’er ala mi kak sä kua.]