Sunda hi suma a sunuzinid’a 15:19 - Bible azumeina

¹⁹ Kayam ndata, an djib’er ala ei gei dju’â kel andjaf suma ding suma a mbud’um huruzina d’i.

Sunda hi suma a sunuzinid’a 15:19 Referans Kwoze

Sunda hi suma a sunuzinid’a 15:28

Kayam zla d’a Muzuk ma bei tchod’a ba na mi minita, ami minit mi. Ami min tinigi anek ka dinga kagi d’i, wani ahle suma mbeî agi lazina ba wana:

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

Sunda hi suma a sunuzinid’a 15:24

Ami humumi zlad’a hi suma ding suma a tchol ka hî adigami a iza a hlagi djib’er magid’a akulo ki zla mazi d’a ded’ina. Ami hazi nga vuna ni ami d’i.

Sunda hi suma a sunuzinid’a 26:20

Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina.

Wana ni mbaktumba hi Oze-d’a 14:2

Agi mbeyegï ki zla d’a avunagid’a gen Ma didina, agi dum ala: Ang vat hurung ngei yam tchila mamid’a pet, ang vami atang ki djivid’a. Ami mba suburung ki vunami kal la ami hang amuhlîd’a.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Galat-na 2:4

wani b’oziyoi suma ka zla suma a kal adigamina, a min ngad’am bayâd’a. Ni suma a nga kal kur ades meina gumun á gol mbut mei d’a ei mbud’i gro vuta zlapa tu ki Jesus Christ-sa. Azi min ei hulongeî kur magomba.

Sunda hi suma a sunuzinid’a 15:10

Ki tchetchemba, ni kayam me ba, agi kugugi Alona á gagi djuk ma abuyoi ngolo ki ei teid’a ndagei á zim mbuo na kel suma a he gagazid’ina ge?

Sunda hi suma a sunuzinid’a 21:21

Azi hum zla manga ala ang nga hat Juif suma a nga kaka aduk andjaf suma dingâ ala a ar gata hi Moise-sa woyo, a ngat grozina bayâd’a d’uo, a ngom zlad’a hi simiyêzid’a d’uo mi.

Sunda hi suma a sunuzinid’a 21:25

Wani kayam andjaf suma ding suma a he gagazid’ina, ami b’irizi mbaktumba ala azi tahle suma a ngad’azi á tuwal fileinina d’oze buzuna d’oze vama guluta d’i, a le mizeuna d’uo mi.