Sunda hi suma a sunuzinid’a 13:50 - Bible azumeina

⁵⁰ Wani Juif-fâ a zut arop suma nglo suma a nga kud’or Alonina ki suma nglo suma kur azì ma ngol mámina á zut suma ala a tchol huneîd’a ki Paul azi ki Barnabas, a digizi woi yam andaga mazid’a mi.

Sunda hi suma a sunuzinid’a 13:50 Referans Kwoze

2 Timote 3:11

djop vun mana, ndak manda mi. Ang wahle suma a mba kan avo Antiyos ki Ikoniyum ki Listre-na. An ve tan ad’enga kur ahle ndazina pet, wani Salad’a mi pad’an ndei kuruzi mi.

Sunda hi suma a sunuzinid’a 14:19

Wani Juif suma hiuna a tcholï Antiyos sa Pisidi-d’a ki Ikoniyum, a mba, a zut ablau suma a dur Paul kahinad’a. A tanam mbei kele, a djib’er ala mi mit wa.

Sunda hi suma a sunuzinid’a 14:2

Wani Juif suma a he nga gagazid’a d’uo na, a zut andjaf suma dingâ ala a kak djangûna ki b’oziyoina.

Sunda hi suma a sunuzinid’a 13:45

Wani kid’a Juif-fâ a wablau sumid’a, a le yungôra, a nga tchi tuguyod’a ki zla d’a Paul mi data, a nga lazad’u.

Sunda hi suma a sunuzinid’a 21:27

Kid’a bur ma kid’iziyana ar go á dapid’a, Juif suma Asi-na a we Paul kur gong nga kud’ora hAlonid’a. Azi zut ablau suma akulo ala a vumu.

Sunda hi suma a sunuzinid’a 17:13

Wani kid’a Juif suma Tasaloni’â a hum ala Paul nga mi tchi wal zlad’a hAlonid’a mi suma Bere-na mi d’a, a mbaza kua, a nga zut ablau suma ala a tchol ki huneîd’a.

Romê-na 10:2

Kayam an nga ni le glangâsâ kazi ala tazi nga d’i lazi zlezleû yam Alona, wani azi nga le kamî bei wad’ud’a.

Sunda hi suma a sunuzinid’a 13:43

Kid’a suma toka a b’raud’a, Juif-fâ ablaud’a ki suma mbut Juif-fâ suma a nga le mandara Alonina, a nga tit ad’u Paul azi ki Barnabas. Paul azi a dazi zlad’a, a gigid’ezi ala ar azi kak kur sumad’a hAlonid’a ngingring.

Sunda hi suma a sunuzinid’a 8:1

Kur bur máma djop vun ma ngolâ mi nde yam suma toka avo Jerusalem. Azi pet a b’rau woi yayak yam ambas sa Jude-d’a ki Samari. Suma a sunuzina a arî azi hol.

Sunda hi suma a sunuzinid’a 6:12

Azi djiwï suma akulo ki suma nglona ki suma hat gata. Azi mba, a ve Etienne, a tanam a im avok suma nglo suma b’ak zlad’a.

Sunda hi suma a sunuzinid’a 2:5

Kur bur máma Juif suma ding suma a nga ring mandar Alonina a nga kaka Jerusalem. Ni suma tcholï ad’u andjafâ teteng pet kur duniyad’ina.

Marik 5:17

Hina wani, azi nde tchen Jesus ala mi nde woi yam andaga mazid’a.

Matiye 10:23

Ata yima azi nga lagi ndaka kur azì ma dingîna, agi ringîgi kur ma dingâ. Gagazi, an nga ni dagiya, agi mba dabagi azì ma nglona hi Israel-lîna nguid’a pet ti, an Gor Sana mba ni mba.

Amos 7:12

Amasiya mi de mi Amos ala: Ang sama vana nde tam mbei irangâ, ang tchola, ang ring yam ambas sa Juda-d’a, ang te te mangâ sä kua, ang djok vuna sä kua mi.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

Marik 15:43

Josef ma Arimate-na mi mba. Ni ma suma yorom zlam aduk suma b’ak zlad’a heîna, ni ma nga mi djup mbad’a hAlona d’a á te leu mamba yam andagad’id’a mi. Mi ve tam ad’enga, mi kal gen Pilat á djobom yam mad’a Jesus.

Sunda hi suma a sunuzinid’a 14:4

Wani ablau suma kur azì ma ngol mámina a wal kä mbà, suma hiuna ad’u Juif-fâ, suma hiuna ad’u suma a sunuzina mi.

Sunda hi suma a sunuzinid’a 14:5

Kid’a andjaf suma dingâ ki Juif-fâ zlapa ki mazi suma nglona a ndjak vunazi á lazi ahle suma tchona á tchazi kahinad’id’a,

Sunda hi suma a sunuzinid’a 16:14

Atcha d’a dinga, simiyêt ala Lidi, ti hum zla mamid’a. Natcha d’a kur azì ma ngol ma Tiyatir-rîd’a ni d’a nga d’i gus baru d’a hleud’a woid’a, ni d’a nga d’i kud’or Alonid’a. Salad’a mi malat hurut á hum zla d’a Paul nga mi data.

Sunda hi suma a sunuzinid’a 17:4

Suma hiuna adigazi a ve zla ndata, a i ad’u Paul azi ki Silas; Grek suma a nga kud’or Alona ablaud’a karop suma nglona ablaud’a a le hina mi.

Sunda hi suma a sunuzinid’a 17:12

Suma dingâ ablaud’a adigazi a he gagazid’a, zlapa karop suma nglo suma Gre’â kandjuveina ablaud’a mi.

Sunda hi suma a sunuzinid’a 17:17

Burâ ki burâ nga mi tchi tuguyod’a ki Juif-fâ kur gong mazi d’a toka kandjaf suma ding suma a nga kud’uroma ki suma a ngavam ad’u su’îna mi.

Sunda hi suma a sunuzinid’a 18:7

Mi tchol ata yi máma, mi kal avo hi sana simiyêm ala Titiyus Justus, ni ma nga mi kud’or Alonina, aziyam nga gen gong nga toka hi Juif-fîd’a mi.

Sunda hi suma a sunuzinid’a 28:17

Bugol burâ hindi, Paul mi yi suma nglona hi Juif-fîna. Ata yima azi to’â, mi dazi ala: B’oziyona, an le nga vama kak djangûna ki Juif-fâ d’oze ki zlad’a hi simiyeîd’a d’uo pî, Juif-fâ a gan dangeina avo Jerusalem, a han abo Romê-na.

2 Korente-na 11:26

Kur tit manda yan ablaud’a an ar go á bad’a aduk mbina, suma tchigeta a lan á tchid’a, andjavan Juif-fâ a lan á tchid’a, andjaf suma dingâ a lan á tchid’a. Suma a lan á tchid’a hur azina, a lan á tchid’a hur fulâ, a lan á tchid’a hur alum ma ngolâ. B’oziyoi suma ka zlad’a a lan á tchid’a mi.

1 Tasaloni’â 2:14

B’oziyomina, agi mbud’ugi ni suma nga tid’igi balum Tok ka tetenga hAlonid’a hi Jesus Christ-sa yam andaga d’a Jude-d’a. Kayam agi fagi ndaka abo simiyêgi d’igi azi fe ndaka abo Juif-fâ na mi.