Sunda hi suma a sunuzinid’a 13:42 - Bible azumeina

⁴² Kid’a Paul azi ki Barnabas a buzuk kei kur gong nga toka hi Juif-fîd’a, suma toka a tchenezi ala azi hulong tchazi wal zla ndata kua kur bur ma sabat ma nga mi mbana.

Sunda hi suma a sunuzinid’a 13:42 Referans Kwoze

Sunda hi suma a sunuzinid’a 28:28

Paul mi dazi kua ala: Agi wagiya, Alona mi sun wa zla mam mba suta mandjaf suma dingâ, azi mba humut mi. [

Sunda hi suma a sunuzinid’a 13:14

Paul azi a tchol kur Perge, a i kal kur Antiyos sa Pisidi-d’a, a kal kur gong nga toka hi Juif-fîd’a kur bur ma sabatna, a kak kä.

Sunda hi suma a sunuzinid’a 10:33

Ata yi máma na wat, an sundja kang wana, ang le djivid’a ang mba wa. Ki tchetchemba, ami pet nga ka hî avok Alona á hum ahlena pet suma Salad’a mi hang vuna kazi á ded’ina.

Matiye 19:30

Ablau suma avo’â a mba mbut suma danana, ablau suma danana a mba mbut suma avo’â mi.

Matiye 11:21

Mi dazi ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kazi mi.

Ezekiyel 3:6

An sunung nga ni gen suma ding suma ablau suma vunazi ad’enga á humba suma ang mba hum zla mazid’a d’uo na d’i. Ladjï an sunungî geveziya ni, a humung wa da’.

Matiye 9:18

Ata yima Jesus nga mi de zla ndata tua na, ma ngolâ hi gonga toka hi Juif-fîna, mi mba, mi grif kä avok Jesus, mi dum ala: Goronda ti mid’ï ka tchetchem, wani ang mbeï tin abong kad’u, ti tchol akulo.