Sunda hi suma a sunuzinid’a 13:31 - Bible azumeina

³¹ Jesus mi tak tam mbei burâ ablaud’a mi suma a tcholï ki sed’em Galile a i ki sed’em Jerusalem-ma, ni suma a nga le glangâsâ kam mi Israel-lâ ki tchetchembina mi.

Sunda hi suma a sunuzinid’a 13:31 Referans Kwoze

Sunda hi suma a sunuzinid’a 1:3

Bugol mat mama, mi nde tam mbei ir sum ndazina á tagazi woi ala mam nga karid’a gagazi. Mi le burâ dok fid’i ki sed’eziya, mi dazi zla d’a yam leud’a hAlonid’a mi.

Wana ni Zla d’a Djivi d’a Luc mi b’irita 24:48

Agi ni suma glangâsâ yam ahle ndazina.

Sunda hi suma a sunuzinid’a 1:11

a dazi ala: Agi suma Galile-na, ni kayam me ba, agi tchologi á gol akulod’a ge? Ni Jesus ma Alona hlum sä akulo adigagina, mba mi hulongî ni d’igi agi golom i mam mba sä akulod’a na mi.

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

Matiye 28:16

Mam suma hat suma dogo yam tuna a i yam ambas sa Galile-d’a yam ahina d’a Jesus mi tagazizid’a.

Sunda hi suma a sunuzinid’a 10:41

wani nga ni ir suma pet ti, wani ni mi ami suma Alona mi manami avok dei á le glangâsâ kama. Bugol la Alona mi tcholom akulo aduk suma matnid’a, ami tami ki sed’emu, ami tchami ki sed’em mi.

Sunda hi suma a sunuzinid’a 10:39

Ami ni suma glangâsâ yam ahlena pet suma mi lazi kur ambasa hi Juif-fîd’a, kur Jerusalem mi. Azi tchum ata agu ma b’ala.

Sunda hi suma a sunuzinid’a 5:32

Ami ni suma glangâsâ yam ahle ndazina, zlapa ki Muzuk ma bei tchod’a ba ma Alona mi hum mi suma a ge yazi kä ad’uma.

Sunda hi suma a sunuzinid’a 3:15

Agi tchagi Sala arid’a, wani Alona mi tcholom akulo aduk suma matna. Ami ni suma glangâsâ yam zla ndata.

Sunda hi suma a sunuzinid’a 2:32

Ni Jesus máma ba, Alona mi tcholom akulo; ami pet ni suma glangâsâ yam zla ndata mi.

Sunda hi suma a sunuzinid’a 1:22

ni ma mi tinï ad’ud’a ata batemba hi Jean-d’a dei gak bur ma Alona mi hle Jesus sä akulo adigeina. Mbeî sa máma mi mbut ni ma le glangâsâ zlapa ki ami yam tchola hi Salad’a Jesus d’a akulo aduk suma matnid’a.

Jean 15:27

Agi mba lagi glangâsâ kan mi, kayam agi nga ki sed’en ni kad’u tinda dei.