Sunda hi suma a sunuzinid’a 12:7 - Bible azumeina

⁷ Ata yi máma, malaikana hi Salad’ina mi nde tam mbei gen Pierre, b’od’a b’o kur gong nga dangeina. Mi tum Pierre fefed’emu, mi zlid’im akulo, mi dum ala: Ang tchol akulo atogo. Kindjing ma aboma mi tchuk kä.

Sunda hi suma a sunuzinid’a 12:7 Referans Kwoze

Sunda hi suma a sunuzinid’a 5:19

Wani malaikana hi Salad’ina mi mba andjege, mi mal vun gong nga dangeina woyo. Mi buzuguzi woi abua, mi dazi ala:

Sunda hi suma a sunuzinid’a 16:26

Atogo hina zak, andagad’a yir ngola, gak ad’u gong nga dangeina yir mi. Ata yi máma na wat, vun gongîyo suma dangeina a mal leyo, kindjing ma a djin ki suma dangeinina pet mi galal lei mi.

Sawal la giled’a 146:7

Nga mi ka ir zlad’a hi suma a nga djobozi vunazina, nga mi he tena mi suma meid’a nga d’i tchazina mi. Ma didina mi tchuk suma dangeina akulo,

Sawal la giled’a 107:14

Mi buzuguzi woi kur dangeina, mi tchal kindjing mazina woi mi.

Sawal la giled’a 34:7

Ata yima sama hohoud’a mi tchi yam Ma didinina, mam hulongôm humba, mam sud’um mbei kur ndak mamba pet mi.

Sunda hi suma a sunuzinid’a 10:30

Kornei mi dala: Ini ni bur ma hindina, ata yima an nga ni tchen Alona avo hatan kid’a afata tchuk siyata. Atogo hina zak, sana mi nga tchola avoron ki baru ma wile wiwilika atamu.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

Sunda hi suma a sunuzinid’a 2:24

Wani Alona mi tcholom akulo, mi pad’am mbei kur ndaka hi matnid’a, kayam matna nga kad’enga á vum kä d’i.

Wana ni Zla d’a Djivi d’a Luc mi b’irita 24:4

Ata yima azi nga djib’er yam ahle suma a lenina, suma mbà a buzuk kei irazi ki baru d’a hap pa ngal wiwilika ataziya.

Wana ni Zla d’a Djivi d’a Luc mi b’irita 2:9

Malaikana hi Salad’ina mi nde woi iraziya, subura hi Salad’id’a ti b’o kaziya; suma pola a le mandarâ ngola.

Mise 7:9

Ami mba vami tami kur ayîna hi Ma didinina, kayam me ami lami tchod’a avoromu. Wani yina nga mi mba, mba mi ndjunumiya, mba mi kami sariya mamid’a mi. Mba mi ndami woi kur b’od’a, ami mba golomi d’ingêr mamba mi.

Daniel 6:22

Gagazi, Alo mana mi sunï malaika mama á duk vun azlona! Mi lan nga vama tcho d’i, kayam an le nga vama tcho avorom mbi, an le nga vama tcho avorong ang nguo mi.

1 Amuleina 19:7

Wani malaikana hi Ma didinina mi hulong mi mba kua, mi dum ala: Ang tchol akulo, ang të, kayam yina dei avorong á tita.

Sunda hi suma a sunuzinid’a 12:23

Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.

Sunda hi suma a sunuzinid’a 9:3

Kid’a mi nga kur tita tua d’a, mi mba go ki Damas. Atogo hina zak, b’od’a ti tcholï akulo, ti wile nguyumu.

Habakuk 3:4

Wile mamba ni d’igi b’od’a hafatid’a na, wile ndata ti tcholï nabomu. Nata yi máma ba, ad’eng mamba nga ngeid’a kua.

Ezekiyel 43:2

Ata yi máma an we subura hAlona hi Israel-lîd’a ti tcholï abo ma yorogona. Ti nga d’i siwel d’igi mbiyo alum ma ngolâ vunam nga mi tchi wü na, wile mata nga d’i b’o yam andagad’a mi.

Isai 60:1

Ndak Jerusalem, ndak tchol akulo, ndak wile kayam b’o maka nga d’i nde woyo, subura hi Ma didinid’a nga d’i tchol akulo kagu, nga d’i b’o kak d’igi afat ta ti deî d’a na.

Sawal la giled’a 116:16

Ma didina, an nga ni tchenengû, kayam an nazong mangâ, an ni wei manga gorotna. Ni ang ba, bud’un ziyo ma a djinin ki na woyo.

1 Amuleina 19:5

Bugola, mi bur sena kä ad’u agu ma gor máma, wani malaikana hi Ma didinina mi mba, mi domu, mi dum ala: Ang tchol akulo, ang të.

Vama ndum mbeina 18:1

Bugol ahle ndazina, an we malaika ma dingâ mi tcholï akulo, mi tchugï asem kä. Mi nga kad’enga ngola, wile mamba ti b’o yam andagad’a pet.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Sunda hi suma a sunuzinid’a 12:6

Ata yima Herot mi min á ndum mbei abu yorogona, kur andjege ndata, Pierre mi nga burâ sena kä aduk azigarâ mbà, mi nga djinda ki kindjingâ mbà mi. Suma ndjola a nga tchola avun gonga á ngom suma dangeina.

Habakuk 3:11

Afata ki tilâ a ar mungôra ata yazi abo b’od’a hi yeû manga ki djang matna, abo wiled’a hasap mangid’a mi.

Isai 37:30

Isai mi de mi Ezekiyas kua ala: Ar zla d’a wanda ti ka’î vama simata: Kur biza d’a wanda ang ki sum mangâ agi mba tagi nawu ma yak kä woina, dama agi mba tagi nawu ma ma gorâ, wani kur biza d’a hindid’a agi mba zaragi awuna, agi mba dud’umu, agi mba pagi guguzlud’a, agi mba tagizi vud’ut mi.

2 Samuel 22:29

Ma didina, angî lalam manda, Ma didina, ang b’o yima nduvun ma an nga kurâ woyo.

Sawal la giled’a 68:6

Alo ma nga kaka kä ata yam ma mi tinim iram vamina nabu suma hokuyod’a, ni ma ndjun arop suma modonod’ina mi.

Jeremi 40:1

Bugol la Nebuzaradan ma ngolâ hi suma a ngom yinina mi ge Jeremi akulo woi avo Rama-d’a, Ma didina mi de zlad’a mi Jeremi. Ata yima Nebuzaradan mi gum akulona, mi fumï ni djinda kä ki kindjingâ aduk suma Jerusalem-ma ki suma Juda-na pet suma a nga i ki sed’ezi Babilon-na.

Daniel 3:28

Amulâ mi er ad’um akulo ala: Ar ei gilei Alona hi Sadra’â, Alona hi Mesa’â, Alona hi Aben-Nego-na! Mi sunï malaika mama, mi prut mam suma sun suma a deng tazi atama woyo. Azi tchila yam vun ma he mana, azi he tazi á matna tala azi kud’orî Alo mazina tu kal la azi kud’or alo ma dingâ d’a.

Matiye 2:13

Kid’a suma ned’a a i dad’a, malaikana hi Salad’ina mi de Josef adïd’a ala: Ang tchola, ang yo gorâ azi kasumu, ang ring yam andaga d’a Ezipte-d’a, ang kak sä kua gak an dangî an tua, kayam Herot nga mi hal gorâ á tchid’a.

Sunda hi suma a sunuzinid’a 12:8

Malaikana mi dum ala: Ang djin d’ik mangâ furungû, ang tchuk atuguru mangâ asengû. Mi le hina mi. Malaikana mi dum ala: Ang tchuk baru mang nga ngola atangû, ang mbeï ad’unu.