Sunda hi suma a sunuzinid’a 12:6 - Bible azumeina

⁶ Ata yima Herot mi min á ndum mbei abu yorogona, kur andjege ndata, Pierre mi nga burâ sena kä aduk azigarâ mbà, mi nga djinda ki kindjingâ mbà mi. Suma ndjola a nga tchola avun gonga á ngom suma dangeina.

Sunda hi suma a sunuzinid’a 12:6 Referans Kwoze

Sunda hi suma a sunuzinid’a 21:33

Ata yi máma, ma ngolâ hi azigarîna mi mba go, mi vumu, mi de mi sum mama ala a djinim ki kindjingâ mbà. Mi djop Juif-fâ ala: Ni ma lara ge? Mi le ni me ge?

Hebre-na 13:6

Kayam ndata, ei ndak á dei bei mandarâ ba ala: Ma didina ni ma nga ndjununa; an nga ni ring mandar ri. Sana mi lan ni me ge?

2 Timote 1:16

Salad’a mi we hohowa suma avo hi Onesifor-râ, kayam mi b’lengên hurun yam ablaud’a, mi le nga zulona yam dangei mana d’i.

Efes-sâ 6:20

Kayam Zla d’a Djivid’a, an vrak blangâm kur dangeina. Agi tchenegi Alona kan á de zlad’a bei mandarâ ba, tala ndak á ded’a d’a.

Sunda hi suma a sunuzinid’a 28:20

Ni kayam ndata ba, an yagi á wagiya, á dagi zlad’a mi. Ni kayam hur ma tinda hi Israel-lîna ba, a djinin ki kindjingâ wana.

Sunda hi suma a sunuzinid’a 5:23

Ami fami vun gong nga dangeina nga duka memet, suma ndjola a nga tchola avun gonga, wani kid’a ami malat vunat teid’a, ami fami nga sa kur ri.

Matiye 28:4

Mandarâ tchi suma ndjola su, a zlak djidjik, a mbut d’igi suma matna na.

Jeremi 40:4

Ki tchetchemba, an nga ni wiled’eng kindjing ma abongâ woyo. Le djivid’a irang á i ki sed’en Babilon-nu ni, ang iya. An mba ni tin iran kangû. Le nga djivid’a irang á i ki sed’en Babilon nduo ni, ang kaga. Gola! Ambasa avorong wan petna. Ang i ata yima lara ma mi nde irang á id’ina.

Sawal la giled’a 4:8

Wani furî d’a ang handji kurunda kal furî d’a azi nga furîyût ata yima awu mazina ki süm guguzlu mazid’a a le heîna.

Ad’u Tinda 22:14

Abraham mi yi yi máma ala Ma didina nga mi he. Kayam ndata gak ini suma a nga dala: Ni yam ahinad’a hi Ma didinid’a ba, mam mba mi he.

Gat ta a hat á mbàd’id’a 32:26

An djib’er kurun ala an mba ni dabazi woi pet, an mba ni mbud’uzi suma sa mba mi djib’er kazi yam andagad’a d’uo na.

Jeremi 40:1

Bugol la Nebuzaradan ma ngolâ hi suma a ngom yinina mi ge Jeremi akulo woi avo Rama-d’a, Ma didina mi de zlad’a mi Jeremi. Ata yima Nebuzaradan mi gum akulona, mi fumï ni djinda kä ki kindjingâ aduk suma Jerusalem-ma ki suma Juda-na pet suma a nga i ki sed’ezi Babilon-na.

Sunda hi suma a sunuzinid’a 12:5

Azigarâ a nga ngom Pierre kur dangeina, wani suma toka a nga tchen Alona kam ki hat hurâ bei ara ba.