Sunda hi suma a sunuzinid’a 11:30 - Bible azumeina

³⁰ Azi le hina mi, a sun ahle ndazina mi suma nglona abo Barnabas azi ki Saul.

Sunda hi suma a sunuzinid’a 11:30 Referans Kwoze

Sunda hi suma a sunuzinid’a 14:23

A man suma nglona, a tinizi kur Tok ka lara ge pet. A d’el tazi bei te tena, a tchen Alona kaziya, a hazi abo Sala ma azi hum gagazid’ina.

Sunda hi suma a sunuzinid’a 12:25

Kid’a Barnabas azi ki Saul a dap vun sun mazid’id’a, a tchol Jerusalem, a hulong Antiyos, a ve Jean ma a yum ala Mari’â ad’uziya.

Jacques 5:14

Sama tugud’eid’a mi nga adigagi zu? Ar mi yi nglo suma gol Toka, azi tchen Alona kamu, a vom mbulâ kam ki simiyê Salad’a mi.

Wana ni mbaktum mba Paul mi b’irit mi Tit-ta 1:5

Kayam ndata, an arang kur til la Kret-ta á min ahle suma ar bei mindina, á tin suma nglo suma gol Toka kur azì ma nglo ma lara ge pet d’igi an had’ang na mi.

1 Timote 5:17

Suma nglo suma a nga le sunda djivid’a avok Tokina, a ndak á fe wuraka yazi mbàmbà, kal pet ni suma a nga he tazi ngola yam wal la tchid’a ki hatina.

Sunda hi suma a sunuzinid’a 20:17

Kid’a Paul mi nga avo Milet-ta, mi ge sunda Efes, mi yï nglo suma gol toka gevemu.

Sunda hi suma a sunuzinid’a 16:4

Kid’a azi nga kal kur azì ma nglona tetenga, a nga gat suma a he gagazid’ina kayam a ngom zla d’a suma a sunuzina ki suma nglo suma Jerusalem-ma a ndjak vunazi kata.

Sunda hi suma a sunuzinid’a 15:6

Suma a sunuzina ki suma nglona a tok tazi á wäd’u zla ndata.

Sunda hi suma a sunuzinid’a 15:4

Kid’a azi mbaza Jerusalem-mba, suma toka ki suma a sunuzina ki suma nglona a vazi ataziya. Azi vazi ad’u ahlena pet suma Alona mi lazi ki sed’ezina.

1 Pierre 5:1

Ni kayam ndata, an nga ni giget nglo suma gol Toka suma a nga adigagina, an ni ndrazi ma ngolâ mi. An ni ma le glangâsâ yam ndaka hi Christ-sina. An ni ndrazina yam subur ra mba ndat teid’a mi. Wana ni vama an tchenezi kama:

2 Jean 1:1

Atcha d’a manda, an ma ngolâ ni b’irik mbaktumba mi ndak ki grok suma an le kagi gagazina. Ni an hol ba, ni le kagi d’i, wani ki suma pet suma a we gagazid’ina mi,

1 Timote 5:19

Ar ang ve kala yam ma ngol ma gol Toka bei suma glangâsâ mbà d’oze hindi d’i.

Sunda hi suma a sunuzinid’a 21:18

Tcha ndjivinda Paul mi i ki sed’emi avo hi Jacques; suma nglo suma gol toka pet a nga toka kua mi.

Sunda hi suma a sunuzinid’a 15:23

A b’irizi mbaktumba abozi ala: Ami suma a sunumina ki suma nglona, ami b’oziyogina, ami nga sunugi mbaktumba mi agi b’oziyomi suma aduk andjaf suma ding suma kur Antiyos kur Siri kur Silisi-na, ami gagi depa.

Sunda hi suma a sunuzinid’a 15:2

Ata yi máma, Paul azi ki Barnabas a tchi tuguyod’a ki sed’eziya, a yal tazi ngola. B’oziyoina a man Paul azi ki Barnabas ki b’oziyoi suma ding suma Antiyos-sâ á i Jerusalem gen suma a sunuzina ki suma nglona á djobozi yam zla ndata.

Sunda hi suma a sunuzinid’a 4:36

Josef ma suma a sunuzina a tinim simina ala Barnabas-sâ, nala, Sama b’leng hurâ, mam mi ma ad’u andjafâ hi Levi ma a vud’um yam til la Sipre-d’ina,

Sunda hi suma a sunuzinid’a 12:1

Ata yi máma, amulâ Herot mi nde djop vun suma dingâ aduk suma toka.

1 Timote 4:14

Ang gol he d’a hawa d’a Alona hangzid’a ta d’i. Ni d’a suma djok vun Alona a dat zlat tei ata yima suma nglo suma gol Toka a tin abozi kangâ.

3 Jean 1:1

Gayus, banan ma an le kang gagazina, an ma ngolâ nga ni b’iring mbaktumba.